(නිමල කොඩිතුවක්කු) 

 

ඉදිරි ජනාධිපතිවරණයේදී රාජපක්ෂ හෝ රාජපක්ෂ නොවන කිසිඳු අයකු එක්සත් ජාතික පක්ෂයට කිසිම අභියෝගයක් නොවන බව එම පක්ෂයේ මහ ලේකම් අධ්‍යාපන අමාත්‍ය අකිල විරාජ් කාරියවසම් මහතා කොළඹදී අද (17) පැවසීය.

එක්සත් ජාතික පක්ෂයට වාසිදායකම මැතිවරණය ජනාධිපතිවරණය බවත් මෙවර එක්සත් ජාතික පක්ෂයෙන් රටේ නායකයා බිහිකිරීමට කටයුතු කරන බවත් ඒ මහතා සඳහන් කළේය.

හිටපු ජනාධිපති ජේ. ආර්.  ජයවර්ධන මහතාගේ 112 වැනි ජන්ම දින සැමරුම වෙනුවෙන් පිටකෝට්ටේ පිහිටි ජාතික සේවක සංගම් මූලස්ථානයේ අද (17) පැවති උත්සවයකින් පසුව මාධ්‍යවේදීන් කළ විමසීමකදී මහලේකම්වරයා  මේ බව පැවසීය.

2020 මැතිවරණ ජයග්‍රහණය කිරීම සම්බන්ධයෙන් එක්සත් ජාතික පක්ෂය  සංවිධාන ගත වෙමින් සිටින බවත් මේ සම්බන්ධයෙන් වන තීන්දු තීරණ පක්ෂ කෘත්‍යාධිකාරි මණ්ඩලය රැස්ව ඉදිරියේදී තීරණය කරන බවත් ඔහු කියා සිටියේය.