(***)
මුස්ලිම් ජනතාවගේ ගෞරවය රැකගැනීමට තම රජය සෑම විටම කටයුතු කළ බව අග්රාමාත්ය මහින්ද රාජපක්ෂ මහතා පෙරේදා (29 වැනිදා) පැවසීය.
කොතරම් බලපෑම් එල්ලවුවද මුස්ලිම්වරුන් තමන් සමග එකට කටයුතු කළ බව අමතක කළ නොහැකි යැයිද ඔහු කීය.
දෙහිවල, රොස්වුඩ් සිලෝන් හෝටලයේ පැවැති ශ්රී ලංකා පොදුජන පෙරමුණේ මුස්ලිම් සම්මේලනයට පෙරේදා (29වැනිදා) සහභාගි වෙමින් හෙතෙම මේ බව සඳහන් කළේය.
දෙහිවල ප්රදේශයේ උත්සව ශාලාවකදී මෙම සම්මේලනය පැවැත්විණි.
අග්රාමාත්යවරයා මෙසේද පැවසීය.
මේ උත්සවයට සම්බන්ධ වෙන්න ලැබීම ගැන සතුටුයි. පසුගිය වතාවේ අපට මුස්ලිම් ජනතාවගෙන් ලොකු සහයෝගයක් ලැබුණේ නැහැ. ඒත් අපට සහයෝගය දෙන පිරිසක් සිටියා. ඒ අයට මොනතරම් බලපෑම් එල්ල වුණත් අපත් එක්ක කටයුතු කරපු බව අපි අමතක කරන්නේ නැහැ. ඒක ගෞරවයෙන් මතක් කරනවා.
එක කාලයක් අපට බුරියානි, ඡන්දය අලියට කියලා කතාවක් තිබුණා. දැන් ඒ යුගය ටිකෙන් ටික අඩු වෙමින් තිබෙනවා. අපිට බුරියානිත් ලැබෙනවා. ඡන්දයත් ලැබෙනවා. ඔබේ අපේක්ෂකයන් 8 දෙනෙක් සිටිනවා. ඒ අය ජයග්රහණය කරවන්න ඔබේ සම්පූර්ණ කැපවීම අපි බලාපොරොත්තු වෙනවා.
මුස්ලිම් ජනතාව රැක ගන්න. ඔවුන්ගේ ගෞරවය රැකගන්න, කොටින්ගෙන් ජනතාව රැක ගන්න, අපි පියවර ගත්තා. අපි යුද්ධ කළේ ත්රස්තවාදය නැති කිරීමට මිස දෙමළ ජනතාව සමඟ නෙවෙයි. ත්රස්තවාදයට විරුද්ධවයි අපේ සටන ගෙන ගියේ. එහෙම නැතුව ජාතියකට එරෙහිව අපි සටන් කළේ නැහැ. ඔබට අද නිදහසේ යාපනය, හම්බන්තොට හෝ වේවා ඕන තැනක යන්න නිදහස තියෙනවා. ඒක නිසා ඔබ අප එක්ක එකතු වෙන්න. අපි ගැන සැක ඇතිකර ගන්න එපා.
පසුගිය කාලයේ රටේ ඇති වූ වාතාවරණය ඔබ දන්නවා. වසර පහකින් සංවර්ධනය ඇණ හිටිය රටක් යළි සංවර්ධනය කිරීම සියලු ජාතීන්ට එකසේ බලපානවා. මහා මාර්ග ඉදිවුණේ නැහැ. වැව් ඉදි වුණේ නැහැ. ගොවිතැන් කරන්න බැරි වුණා. කිසිම සංවර්ධන කටයුත්තක් රටේ සිද්ධ වුණේ නැහැ. මේකට හේතුව ජනාධිපතිවරයා එක පැත්තක අගමැතිවරයා එක පැත්තක සිටීමයි. එහෙම වුණාම අගමැති කියන දේ ජනාධිපති කරන්නේ නැහැ. ජනාධිපති කියන දේ අගමැති කරන්නේ නැහැ. එවැනි තත්ත්වයක් තමයි රට තුළ ඇති වුණේ. ඒ තත්ත්වය නැවත ඇති කරන්න බැහැ.
ජනාධිපතිවරයාගේ ප්රතිපත්තිය ඉදිරියට ගෙනියන්න අගමැතිවරයා සහ කැබිනට් මණ්ඩලය ඇතුළු පාර්ලිමේන්තුව සූදානම් විය යුතුයි. අපි බලයට පත්වෙලා ටික දවසක් යනකොට කොවිඩ් -19 වසංගතය ආවා. එහෙම වෙලාවකත් මුදල් පනත පරාජය කරන්න විපක්ෂය සූදානම් වුණා. එහෙම වුණාම රටේ සංවර්ධනය ඇණ හිටිනවා. ජනාධිපතිවරයාට තිබෙන බලය භාවිත කර මුදල් ලබා දුන්නා. තවමත් තියෙන්නෙ ඒ තත්ත්වයමයි.
නියමිත දිනට මැතිවරණය පවත්වා ගන්න බැරි වුණා. වසංගතය මර්දනය කිරීමේ ගෞරවය ගෝඨාභය රාජපක්ෂ ජනාධිපතිවරයාට හිමි වෙනවා. ඔහු ගත්ත තීරණ නිසයි වසංගතය පාලනය කර ගන්න පුළුවන් වුණේ. පාසල් වහන්න තීරණය කරනකොට කැබිනට් මණ්ඩලයේ දෙගිඩියාවක් ඇති වුණා. පාසල් වැහුවා. ගුවන් තොටුපොළ වසා දැමුවා. හරි තීරණ අරගෙන හමුදාවට වසංගතය පාලනය කිරීම බාර දුන්නා. මේක සෞඛ්ය අමාත්යාංශයට විතරක් තනියම කරන්න පුළුවන් වැඩක් නෙවෙයි. සෞඛ්ය අංශයයි. හමුදාවයි සියලු දෙනාම එකතු වුණ නිසයි මේ වයිරසය මර්දනය කර ගන්න පුළුවන් වුණේ.
එක පාරක් අදාහනය කරනවාද භූමිදානය කරනවාද කියලා ප්රශ්නයක් ඇති වුණා. ඒක අප ගත් තීන්දුවක් නෙවෙයි. විශේෂඥයන් කණ්ඩායමක් ගත්ත තීන්දුවක්. ඕනෑම අතකට එරෙහිව තවත් මතයක් තියෙනවා යැයි ද ඔහු සඳහන් කළේය.
ශ්රී ලංකා පොදුජන පෙරමුණේ සභාපති මහාචාර්ය ජී.එල්. පීරිස්, හිටපු පාර්ලිමේන්තු මන්ත්රීවරුන් වන සුසිල් ප්රේමජයන්ත, ෆයසිර් මුස්තාපා ජනාධිපති නීතිඥ අලි සබ්රි යන මහත්වරුන් ඇතුළු පිරිසක් මෙම අවස්ථාවට සහභාගි වූහ.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
මෙරට තරුණ තරුණියන් අපේක්ෂා කරන ශ්රී ලංකාව නිර්මාණය කළ හැකි බවට දැඩි විශ්වාසයක් තමා තුළ පවතින බව ජනාධිපති රනිල් වික්රමසිංහ මහතා පැවසීය.
සමඟි ජන බලවේගයේ නායක සහ විපක්ෂ නායක සජිත් ප්රේමදාස මහතාට විවාදයකට සහභාගි වන ලෙස පළමුවෙන්ම අභියෝග කළේ ජාතික ජන බලවේගයේ නායක අනුර කුමාර දිසානායක මහතා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘අපට දැන් බුරියානි වගේම ඡන්දත් ලැබෙනවා‘