(ඩයනා උදයංගනී)

එක්සත් ජාතික පක්‍ෂය 2020 මැතිවරණයේදීත් ජාතික ආණ්ඩුවක් ඇතිකරන බවට ප‍්‍රකාශ කර ඇතත් ශ්‍රී ලංකා නිදහස් පක්‍ෂයේ බලාපොරොත්තුව තනිව එක්සත් ජනතා නිදහස් සන්ධාන ආණ්ඩුවක් බිහිකරගැනීම බව එම සන්ධානයේ මහ ලේකම්, අමාත්‍ය මහින්ද අමරවීර මහතා පවසයි.

කෙසේ වෙතත් ශ්‍රී ලංකා නිදහස් පක්‍ෂය සමඟ එක්ව ආණ්ඩු කළ හැකිය යන ස්ථාවරයක එක්සත් ජාතික පක්‍ෂය සිටීම ගැන මෙන්ම ඔවුන්ගේ ඒ කැමැත්ත ගැන සතුටට පත්වන බව ද අමරවීර මහතා කියයි.

ජාතික ආණ්ඩුවක් ගොඩනැගීමේදී බලාපොරොත්තු වූ අරමුණු 2020 වන විට ඉටුවේ යැයි තමන් සිතන බව ද අමරවීර මහතා පවසයි.

ඒ මහතා මේ බව පැවසුවේ ශ්‍රී ලංකා නිදහස් පක්‍ෂ මූලස්ථානයේදී අද (7)පැවති මාධ්‍ය හමුවකදී ය.

ජාතික ආණ්ඩුවක් 2020 දීත් පිහිටුවීමට බලාපොරොත්තු වන බවට එක්සත් ජාතික පක්‍ෂ මහලේකම් අමාත්‍ය කබීර් හෂීම් මහතා කර ඇති යෝජනාව පිළිබඳ මාධ්‍යවේදියකු නැගූ ප්‍රශ්නයකට පිළිතුරු දෙමින් ඒ මහතා මේ බව කීය.