සිංහල සිනමාවේ කිවිඳිය ලෙසින් හැඳින්වුණු මෙරට සිනමාවේ සම්මානනීය සහ ජ්යෙෂ්ඨතම සිනමා නිර්මාණවේදිනියක වන ආචාර්ය සුමිත්රා පීරිස් මහත්මිය අභාවප්රාප්ත වූවාය.
ඇය අභාවප්රාප්ත වන විට 87 වැනි වියෙහි පසුවිය.
ලෝක පූජිත සිනමාවේදී ආචාර්ය ලෙස්ටර් ජේම්ස් පීරිස් මහතාගේ බිරිය වූ සුමිත්රා පීරිස් මහත්මිය ලාංකීය සිනමාව වෙනුවෙන් සිනමා නිර්මාණ දායාද කළාය.
ආචාර්ය ලෙස්ටර් සූරීන්ගේ ”සංදේශය” චිත්රපටයේ සහය අධ්යක්ෂිකාව ලෙසින් 1960 වසරේ සිනමා වරම් ලැබූ ඇය ඉන්පසු සංස්කාරවරියක් ලෙසින් ”ගම්පෙරළිය”, ”දෙලොවක් අතර”, ”රන්සළු”, ”අක්කර පහ”, ”ගොළු හදවත” සහ ”බක්මහ දීගේ” වැනි චිත්රපටවලට සම්බන්ධ වූවාය.
“ගැහැණු ළමයි” චිත්රපටයෙන් චිත්රපට අධ්යක්ෂණයට පිවිසෙන ඇය “ගඟ අද්දර”, “යහලු යෙහෙලි”, “මායා”, “සාගර ජලය මදි හැඬුවා ඔබ සන්දා”, “ලොකු දුව”, “දුවට මවක මිස”, “සක්මන් මළුව”, “යහලුවෝ” සහ “වෛෂ්ණාවී” වැනි චිත්රපට රැසක් අධ්යක්ෂණය කළාය.
“ගැහැණු ළමයි” ටෙලිනාට්ය අධ්යක්ෂණය කරමින් ටෙලිනාට්ය අධ්යක්ෂණයට ද පිවිසි ඇය සිය සැමියා වන ලෙස්ටර් ජේම්ස් සූරීන් සමඟ එක්ව “ගොළු හදවත” ටෙලිනාට්යයේ සම අධ්යක්ෂණයෙන් ද දායක වූවාය.
සිනමා සංස්කාරවරියක සහ චිත්රපට අධ්යක්ෂිකාවක ලෙස දෙස් විදෙස් සම්මානයන්ගෙන් ද ඇය පිදුම් ලැබුවාය.
ඉකුත් වසරේ ඇය ගෞරව ආචාර්ය උපාධියකින් ද පිදුම් ලැබූ අතර අවසන් කටයුතු පසුව දැනුම් දෙනු ඇත.
(ඩයනා උදයංගනී)
ශ්රී ලංකා ක්රිකට් කණ්ඩායමේ හිටපු සුපිරි ක්රිකට් ක්රීඩක දිල්ෂාන් තිලකරත්න මහතාගේ පියාණන් වූ පොලිස් දෙපාර්තමේන්තුවේ විශ්රාමික නිලධාරියකු මෙන
පුවත්පත් සහ විද්යුත් මාධ්ය ක්ෂේත්රයේ වසර හතලිහක පමණ කාලයක් කටයුතු කළ ජ්යේෂ්ඨ මාධ්යවේදී රන්ජන් අමරසිංහ මහතා ඊයේ (05) අභාවප්රාප්ත විය.
ත්රිකුණාමල දිස්ත්රික්කයේ මාධ්යවේදීන්ගේ කල්යාණ මිත්රයෙකු වූ ලංකාදීප පුවත්පත් බෙදා හැරීමේ හා අලෙවි නියෝජිත අබ්දුල් හමීඩ් පොත් හල අධිපති අබ්දුල
ජ්යෙෂ්ඨ සංගීතඥයෙක් මෙන්ම සංගීත ආචාර්යවරයෙක් වන ආචාර්ය ප්රේමදාස මුදුන්කොටුව මහතා අද (29) අභාවප්රාප්ත විය.
පොලොන්නරුව දිස්ත්රික් පාර්ලිමේන්තු මන්ත්රී හා පොලොන්නරුව දිස්ත්රික් සංවර්ධන කමිටුව සභාපති ජගත් සමරවික්රම මහතාගේ පියාණන් වන එස්. සමරවික්රම මහ
ශ්රී ලංකා දුම්රිය දෙපාර්තමේන්තුවේ සාමාන්යාධිකාරීවරයා ලෙස කටයුතු කළ එච්.එම්.කේ.ඩබ්ලිව්. බණ්ඩාර මහතා අද (23දා) උදෑසන අනුරාධපුර පිහිටි දුම්රිය සංචාරක බ
හෙළ සිනමාවේ කිවිඳිය සමුගනී