(මුදිතා දයානන්ද)
‘ස්විස් තානාපති කාර්යාලයේ නිලධාරිනියක පැහැරගෙන යාම සම්බන්ධයෙන් විවිධ පුද්ගලයන් ලවා විවිධ ප්රකාශ නිකුත් නොකර සාධාරණ නිවැරදි පරීක්ෂණයකින් රටට ඇත්ත හෙළි කරන ලෙස ආණ්ඩුවෙන් ඉල්ලා සිටිනවා’ යැයි ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා අද (04) පැවසීය.
ඔහු මේ බව සඳහන් කළේ බත්තරමුල්ල, ශ්රී සුභූති මාවතේ පිහිටි අවකාශ මධ්යස්ථානයේදී පැවති ජාතික ජනබලවේගයේ මාධ්ය හමුවකදීය.
තවදුරටත් ඔහු මෙසේද පැවසීය.
“ස්විස් තානාපති කාර්යාල සිදුවීම බොරුවක් නම් එය වුවද රටට හෙළි කරන්න වෙන්නේ පරීක්ෂණයකින් පමණයි. මේ සම්බන්ධයෙන් ඇත්ත නැත්ත දැන ගැනීමේ අයිතියක් ජනතාවට තිබෙනවා.
ගොරකා දඩමස් කරන දඩමස් ගොරකා කරන යුගයක් මේක. වැරදිකරුවන් නිවැරදිකරුවන් වී, ඔවුන් ගැන විමර්ශන කළ නිලධාරින් වැරදිකරුවන් බවට පත්වෙන, විකල්ප මාධ්ය මර්දනය කරන, ප්රජාතන්ත්ර විරෝධී ගමනකට ආණ්ඩුව මුලපුරා තිබෙනවා.
ජනාධිපතිවරණය පැවති කාලයේ බොහෝ දෙනා අතර මතයක් ඇති වුණා ගෝඨාභය මහත්තයා ජනාධිපති වුණොත් රටේ ප්රජාතන්ත්රවාදය නැති වෙයිද කියලා. ගෝඨෘභය මහත්තයාලාගේ පැත්තේ උදවිය හැමවිටම උත්සාහ කළා එහෙම වෙන්නේ නැහැ කියලා කියන්න. ඒත් බලයට ඇවිත් වැඩි දවසක් යන්න වුණේ නැහැ, විකල්ප මාධ්ය ආයතනවලට මර්දනය ආවා. ඒවායේ වැඩ කළ අයගෙන් පැය දහය දොළහ ප්රශ්න කරන්න පටන් ගත්තා. ස්විස් තානාපති කාර්යාලයේ නිලධාරිනියක පැහැරගෙන ගිහින් ප්රශ්න කර නැවත ගෙනත් දැම්මා කියලා චෝදනාවක් එල්ල වෙනවා. මේ සියල්ල ප්රජාතන්ත්රවාදයට පටහැනි දේවල්.
බලයට ආපු ගමන්ම ගැසට් පත්රයක් නිකුත් කළා යුධ හමුදාවට සිවිල් බලතල ලැබෙන ආකාරයට. හමුදාව සිවිල් සේවයට කැඳවන්නේ සිවිල් යුද්ධයක් හෝ, කැරළි තත්ත්වයක් හෝ ආන්ඩුවට පාලනය කළ නොහැකි වෙනත් කලබලකාරි තත්ත්වයක් පවතින අවස්ථාවකදි එයට මුහුණ දීම සඳහායි. එහෙත් අද එවැනි තත්ත්වයක් නැහැ. මේ සිය්ලල මිලිටරිකරණයට ලක්වු පාලනයක ලක්ෂණ. ජනතාව බිය වද්දා කට වහලා තමන් ඕන දේ කරගෙන යන්නයි මේ උත්සාහ කරන්නේ.
විනය හදන්න හමුදාවක් අවශ්යයි කියලා සමහරු කියනවා. රටක් විනය ගරුක විය යුතුයි. එහෙම කරපු රටවල් අපි දැක තිබෙනවා. ඒ මේ විදිහට පාරට හමුදාව කැඳවලා කසේ අරන් ජනතාව පාලනය කරලා නෙවෙයි. ස්වේච්ඡාවෙන්ම ජනතාව තුළ ඒ හැඟීම ඇති වෙන්න ඕන.
මේ ඇතිව තිබෙන මර්දනකාරි ත්ත්වයට ජාතික ජනබලවේගය ලෙස අපි සම්පුර්ණයෙන්ම විරුද්ධයි. එයට නිහඬව ප්රතිචාර නොදක්වා සිටීමෙන් හෙට ඔබේ ගෙදරට ඇවිත් තට්ටු කරන තත්ත්වයක් ඇති වෙන්න පුලූවන්. මෙය ගෝඨාභය රාජපක්ෂ මහතාට ඡන්දය දුන් හැටනව ලක්ෂයක් ජනතාවගේ අපේක්ෂාව නොවේ” යැයි ටිල්වින් සිල්වා මහතා පැවසීය.
නැගෙනහිර ඉන්දියාවට උෂ්ණාධික කාලගුණයෙන් දැඩි බලපෑමක් එල්ල වී ඇති බවත් ඉන්දියාවට බලපෑ අධික උෂ්ණත්වය හේතුවෙන් අවම වශයෙන් පුද්ගලයන් 9 දෙනකු මිය ගොස් ඇති
ජනතාවට ඉඩම් අයිතිය ලබාදීමට රජය ගත් පියවර විප්ලවයක් බව ජනාධිපති රනිල් වික්රමසිංහ මහතා පැවසීය.
ජපාන විදේශ අමාත්ය යෝකෝ කමිකාවා මහත්මිය එක් දින නිල සංචාරයක් සදහා අද දින උදෑසන කටුනායක ගුවන් තොටුපොළ වෙත පැමිණියාය .
ග්රාම නිලධාරීන් මුහුණදී සිටින ගැටලු රැසකට වහාම විසඳුම් දෙන ලෙස ඉල්ලා ලබන 6 සහ 7 දෙදින අසනීප නිවාඩු වාර්තා කිරීමේ වෘත්තිය ක්රියාමාර්ගයක් ක්රියාත්මක
ශ්රී ලංකාවේ ජනගහනය එක් ලක්ෂ හතළිස් හතර දහසකින් පමණ පහළ ගොස් ඇතැයි මහ බැංකු වාර්තාවක සඳහන් වන බව පේරාදෙණිය විශ්ව විද්යාලයේ ආර්ථික විද්යා හා සංඛ්යා
මධ්යම කදුකරයට පවතින අධික වියළි කාලගුණයත් සමග කාසල්රි සහ මවුස්සාකැලේ ජලාශවල ජල ධාරිතාව සිඝ්රයෙන් පහළ බසිමින් පවතින බව එම ජලාශයන් භාර ඉංජිනේරුවෝ පවස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘ස්විස් නිලධාරිනිය පැහැරගැනීමේ සිද්ධිය ගැන ඇත්ත රටට හෙළිකරන්න’