(අංජුල මහික වීරරත්න)

දකුණු පළාතේ ප්‍රාථමික සෞඛ්‍ය සත්කාර ඒකක සහ සෞඛ්‍ය මධ්‍යස්ථාන සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතාගේ නිරීක්ෂණයට ලක් විය.

රජයේ වැඩපිළිවෙළ යටතේ දිවයිනේ තිබෙන ග්‍රාමීය රෝහල්, ප්‍රාදේශීය රෝහල්, දිසා රෝහල්  ප්‍රතිසංස්කරණය කර ඒවායේ රෝග පරීක්ෂණ,රසායානාගාර සහ රෝගී සත්කාරක පහසුකම් වැඩිදියුණු කෙරෙන අතර,  තොරතුරු සන්නිවේදන තාක්ෂණය යොදා ගනිමින් අදාල සෞඛ්‍ය මධ්‍යස්ථාන ඉලක්ක කරගනු ලබන ප්‍රජාවගේ සෞඛ්‍ය තත්වය පිළිබඳ දත්ත ගබඩා කිරීම, ඒවා නිරතුරුව යාවත්කාලීන කිරීම,විශේෂඥ උපදෙස් ලබා ගැනීමට ජාලගත වීම සදහා දත්ත හුවමාරුව සහ සෞඛ්‍ය ප්‍රවර්ධන කටයුතු ආදිය සඳහා පහසුකම් සැලසීම ද සිදු කරනු ලබන බව සෞඛ්‍ය අමාත්‍යාංශය පවසයි.

තිස්සමහාරාම බෙරලිහෙල ප්‍රාථමික සෞඛ්‍ය සත්කාර ඒකකය, මත්තල මධ්‍යම බෙහෙත් ශාලාව, කතරගම සෞඛ්‍ය වෛද්‍ය නිලධාරී කාර්යාලය ඇතුළු මධ්‍යස්ථාන කිහිපයක් මෙහි දී  අමාත්‍යවරයාගේ නිරීක්ෂණයට ලක් වු අතර  ඉදිරි සැලසුම් සකස් කිරීමේ දී එම මධ්‍යස්ථාන සවිබලගැන්වීම පිළිබඳව මූලික අවධානය යොමු කරන බව අමාත්‍යවරයා කීය.