සෙලාන් බැංකුව සහ Daraz.lk අතර ඇතිකරගත් ගිවිසුමක ප්‍රතිඵලයක් වශයෙන්, සෙලාන් කාඩ්පත් හිමියන්ට Daraz.lk වෙතින් භාණ්ඩ මිලදී ගැනීමේ දී දැන් සුවිශේෂී වට්ටම් හිමි වන බව සඳහන් කරයි.

මේ අනුව සෑම සිකුරාදා දිනකම Daraz.lk වෙතින් භාණ්ඩ මිලදී ගැනීමේදී සෙලාන් කාඩ්පත් හිමියන්ට සියයට 10 ක වට්ටමක් හිමිවනු ඇත. එක් කාඩ්පතකට වලංගු ගනුදෙනු දෙකක් සඳහා රු. 1,000 ක උපරිමයකට යටත්ව හිමිවන මෙම දීමනාව, සෙලාන් ක්‍රෙඩිට් කාඩ්පත් සඳහා මෙන්ම ඩෙබිට් කාඩ්පත් සඳහා ද වලංගු වේ.

එමෙන්ම සෙලාන් කාඩ්පත් හිමියන්ට තම ගනුදෙනුව මාස 12 ක හෝ මාස 24 ක කාලයක් සඳහා පොලී රහිත පහසු ගෙවීමේ ක්‍රමයක් බවට පරිවර්තනය කරගැනීමට ද අවස්ථාව සලසා දී ඇත. රු. 10,000 ත් රු. මිලියනයත් අතර ගනුදෙනු මේ ආකාරයට පොලී රහිත පහසු ගෙවීමේ ක්‍රම බවට පරිවර්තනය කරගත හැකි වේ.

මීට පෙර ද සෙලාන් කාඩ්පත් මෙරට ප්‍රමුඛතම අන්තර්ජාල අලෙවිසැල වන Daraz.lk සමඟ අත්වැල් බැඳගෙන සිය ගනුදෙනුකරුවන්ට විවිධ දීමනාවන් පිරිනමා තිබේ. ඉතාම පුළුල් පරාසයක පැතිරුණු භාණ්ඩ හා සේවාවන් මිල දී ගැනීමට අවස්ථාව සලසා දෙන Daraz.lk මෙරට පාරිභෝගිකයන් අතර ජනප්‍රියම විද්‍යුත්-වාණිජ වෙබ් අඩවියකි.

595