(ඉන්දිකා  රාමනායක)

වෙසක් උත්සවය  නිමිත්තෙන්  හෙට  (5) සහ අනිද්දා  (6) දෙදින තුළ  අමුත්තන්ට හෙට බන්ධනාගාර සිරකරුවන්  බැලීම සදහා විශේෂ අවස්ථාවක් ලබා දී ඇති බව බන්ධනාගාර දෙපාර්තමේන්තුව පවසයි.

මෙම දින දෙක තුළ  සිරකරුවන්ගේ ඥාතීන් විසින්  නිවසේ සිට රැගෙන එන  ආහාර පාර්සල් සහ රසකැවිලි  එක් අයකුට ප්‍රමාණවත්  වන පරිදි  ලබා දීමට අවස්ථාව ඇත.

බන්ධනාගාර  නීති රීති වලට  අනුකූලව  නිසි සෞඛ්‍ය  ආරක්ෂිත ක්‍රමවේදයන් අනුගමනය කරමින් අමුත්තන් පෙන්වීමට   කටයුතු  සිදුකන බව බන්ධනාගාර මාධ්‍ය ප්‍රකාශක අතිරේක කොමසාරිස් චන්දන ඒකනායක මහතා පවසයි.

දිවයිනේ සියලු බන්ධනාගාර ආයතන විසින් මෙම පහසුකම ලබා දී ඇති බවද චන්දන ඒකනායක මහතා වැඩිදුරටත් පවසයි.