(සුජිත් හේවාජුලිගේ සහ අංජුල මහික වීරරත්න)
කැමති සියලුම පාර්ලිමේන්තු මන්ත්රීවරුන්ට බදු ලිපිගොනුවක් විවෘත කර ගැනීමට කතානායකවරයාගේ අවසර ඇතිව වැඩපිළිවෙළක් ළඟදිම අරඹන බව මුදල් රාජ්ය අමාත්ය රංජිත් සියඹලාපිටිය මහතා පාර්ලිමේන්තුවේදී අද (15) පැවසීය.
ඔහු මෙසේ පැවසුවේ රජයේ අයවැය ලේඛනය පිළිබඳ දෙවැනි වර කියැවීමේ විවාදයේදීය.
සියඹලාපිටිය මහතා මෙසේද සඳහන් කළේය.
පාර්ලිමේන්තුවටත් මොකක් හරි උදව්වක් කරන්න එපැයි. ඒ නිසා මම කතානායකවරයාගේ අවසරය ඇතිව මුදල් අමාත්යාංශ දිනයේදි නිලධාරීන් කැඳවලා අවශ්ය ඕනෑම අයෙකුට ආදායම් බදු ලිපිගොනුවක් හදලා දෙන්න බලාපොරොත්තු වෙනවා. මොකද අපි රටටම කියනවා වයස 18 ට වැඩි සෑම පුද්ගලයෙකුටම ලිපි ගොනුවක් හදාගන්න කියලා. අපි ඒක පාර්ලිමේන්තුවෙන් පටන් ගනිමු. ඒ නිසා ඒකට අවශ්ය පසුබිම සකසා දෙන්න කියලා ඉල්ලා සිටිනවා.
COMMENTS
වයස 18 ට වැඩි හැමටම බදු ගොනුවක් අරින්න කියලයි පනතේ තියෙන්නෙ. මේ ගොල්ලො තමයි පනත් සම්මත කරන්න. ඒත් මේ ගොල්ලන්ට කැමති නම් විතරයිලු. නිදහසෙන් පස්සෙ ලංකාව දියුණුවෙන් දියුණුවට පත්වෙන්නෙ ඒකයි.
මෙය සියලුම පාර්ලිමේන්තු මන්ත්රීවරුන්ට අනිවාර්ය විය යුතුය
මන්ත්රී කියන්නේ පොදු ජනයාගෙන් කෙනෙක් නොවේද?කැමතිනම් ?කැමති අකමැති නැහැ .අනිවාර්යයෙන්ම බදු ලිපිගොනු තිබිය යුතුය .බදු ලිපිගොනු නැතිනම් චන්දේ නැහැ
එදිනෙදා වේල අමාරුවෙන් හම්බ කරන එකාට බලෙන් ලිපි ගොනු විවෘත කරනව. හරිම අපූරු යි.
ලිපි ගොනුව තියෙයි, හැබැයි ඔය එකෙක් සතයක් වත් බදු ගෙවන එකක් නෑ, මොකද උන් ඉන්නෙ රටේ නීතියට ඉහලින්
මාර කතාවක් නේ. කැමති ? දීමනා එක්ක ( පෙට්රල්, දුරකථන, පැමිණීමේ) රුපියල් ලක්ෂ 10 වත් ගන්න මේ කට්ටිය 36% බදු ගෙවන්න ඕන.