(විමුක්ති එස් රුද්රිගු)
මුම්බායි නගරයේ රෝහලකදී බොලිවුඩයේ රජු ලෙස සැලකෙන සුපිරි නළු ෂාරුක් ඛාන්ගේ ඇසෙහි සිදුකළ ශල්ය කර්මයක් වැරදී ඇති බවත් ඉන් ඇසට සිදුවූ හානියට ප්රතිකාර ගැනීම සඳහා ඔහු ඇමෙරිකාව බලා වහා පිටත්ව ගොස් ඇති බවත් ඉන්දීය මාධ්ය වාර්තා කළේය.
ඇමෙරිකාවට යෑමට ගත් තීරණයට පෙර හයිද්රබාද් නගරයේදී ඉන්දියාවේ සිටින හොඳම අක්ෂි ශල්ය වෛද්යවරුන් මුණ ගැසී ඇති බවද ඉන්දීය මාධ්ය ප්රකාශ කළේය.
ඇතැම් මාධ්ය වාර්තා කර තිබුණේ ෂාරුක් ඛාන් පසුගිය 29 වැනිදා ඇසෙහි සුද ඉවත් කිරීමේ ශල්ය කර්මයක් සිදු කිරීම සඳහා මුම්බායි නගරයේ රෝහලක් වෙත ඇතුළත් වී ඇති බවත් ශල්ය කර්මය බලාපොරොත්තු වූ අයුරින් සිදුව නොමැති බවත්ය. එසේම තවත් මාධ්ය වාර්තා කර තිබුණේ පසුගිය 29 වැනිදා ෂාරුක් ඛාන් මුම්බායි නගරයේ රෝහලක ඇසේ සුද ඉවත් කිරීමේ ශල්ය කර්මයකට බඳුන් වූ බවත් දෙවැනි ඇසෙහි සුද ඉවත් කිරීමේ ශල්ය කර්මය සඳහා වහාම ඇමෙරිකාව බලා පිටත්වූ බවත්ය.
ඉන්දීය මාධ්ය සියල්ල පොදුවේ ෂාරුක් ඛාන් ශල්ය කර්මයකට බඳුන් වූ බවත් එම ශල්ය කර්මය බලාපොරොත්තු වූ අයුරින් සිදු නොවූ බවත් වාර්තා කර තිබිණි. නමුත් ඔහු බඳුන් වූ ශල්ය කර්මය හෝ එම ශල්ය කර්මයේදී සිදුවූ වැරදීම පිළිබඳ ෂාරුක් ඛාන් හෝ ඔහුගේ පවුලේ සාමාජිකයෙකු කිසිදු ප්රකාශයක් කර නොතිබිණි.
COMMENTS