(අංජුල මහික වීරරත්න)

 සමගි ජන බලවේගය කොළඹ දී සංවිධාන කළ විරෝධතාවයට අමානුෂික ලෙස පොලිසිය විසින් පහර දීම තරයේ හෙලා දකින බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

 තාවකාලිකව පාර්ලිමේන්තුව විසින් පත්කර ගනු ලැබූ ජනාධිපතිවරයෙක් ලෙස රනිල් වික්‍රමසිංහ මහතා ගේ වගකීම වන්නේ  පොලීසිය ජනතාව මර්දනය සඳහා යොදා නොගෙන රට නිවන තැනකට ගෙනගොස් සිහිබුද්ධියෙන් තීරණ ගනු ලබන ජනතාවක් බිහි කිරීම බව රණවක මහතා කීය.

සමගි ජන බලවේගය යනු රටේ විපක්ෂ නායකවරයා නියෝජනය කරන විපක්ෂයේ වැඩිම ආසන සංඛ්‍යාවක් සහිත පාර්ලිමේන්තු පක්ෂය බව කී රණවක මහතා එම පක්ෂයේ උද්ඝෝෂණයකටත් සලකන්නේ මේ ආකාරයට නම් රටේ ප්‍රජාතන්ත්‍රවාදය පිළිබඳව බරපතල ප්‍රශ්නයක් පැන නගින බව සඳහන් කළේය.