(අංජුල මහික වීරරත්න)

සමගි ජන බලවේගයේ තරුණ ක්‍රියාකාරී සංවිධානය වන සමගි තරුණ බලවේගයේ කෘත්‍යාධිකාරී මණ්ඩල සභික හේෂාන් සිල්වා මහතා එක්සත් ජාතික පක්ෂයට එකතු විය.

කොළඹ දිස්ත්‍රික් පළාත් පාලන නියෝජිතයින් සහ ආසන සංවිධායකවරුන්ගේ හමුවක් පිටකෝට්ටේ සිරිකොත එක්සත් ජාතික පක්ෂ මූලස්ථානයේදී පැවැත්වුණු අතර එහිදී හේෂාන් සිල්වා මහතා එක්සත් ජාතික පක්ෂ සාමාජිකත්වය ලබාගත්තේය.

පළාත් පාලන මැතිවරණයට අදාළව දැනුවත් කිරීමේ මෙම හමුව එක්සත් ජාතික පක්ෂයේ නියෝජ්‍ය නායක රුවන් විජයවර්ධන සහ ජනාධිපති කාර්ය මණ්ඩල ප්‍රධානී සාගල රත්නායක මහත්වරුන්ගේ ප්‍රධානත්වයෙන් පැවැත්විණි. හේෂාන් සිල්වා මහතා සමග සමගි ජන බලවේගය තවත් සාමාජික පිරිසක් ද එජාප සාමාජිකත්වය ලබාගත් බව එජාප මූලස්ථානය සඳහන් කරයි.