(සුජිත් හේවාජුලිගේ සහ අංජුල මහක වීරරත්න)

සියලු ජලාශ පිරී ජල විදුලි නිෂ්පාදනය වැඩිවී ඇති හෙයින් විදුලි බිලට සහනයක් කඩිනමින් දෙන්නැයි විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද ඉල්ලීමක් කළේය.

විපක්ෂනායකවරයා මෙසේද පැවසීය.

ජල විදුලි නිෂ්පාදනය 20 වැනිදා වනවිට සියයට 31 දක්වා ඉහළ ගොස් තිබෙනවා. බලාගාරවල ජල මට්ටම ඉහළ ගොස් තිබෙනවා. විදුලිය නිෂ්පාදනය වැඩිවීමේ වාසිය ජනතාවට දෙන්න කියලා ඉල්ලා සිටිනවා.

විදුලි ඒකකයක මිල පහළ දැමීමට යෝජනා ඉදිරිපත් කරන ලෙස මහජන උපයෝගීතා කොමිෂන් සභාව විදුලි බල මණ්ඩලයට දැනුම් දීලා තියෙනවා.තවම ඒ යෝජනා ලැබිලා නැහැ.