(අංජුල මහික වීරරත්න)

විරුද්ධ පක්ෂය හිරේ දමමින් මර්දනය කළාට ඩෙංගු වසංගතය මර්දනය වන්නේ නැතැයි හිටපු අමාත්‍ය වෛද්‍ය රාජිත සේනාරත්න මහතා මාධ්‍ය හමුවකදී පැවැසීය.

වර්තමානයේ ඩෙංගු වසංගතය මර්දනය කිරීම සඳහා ආණ්ඩුව ගත් ක්‍රියාමාර්ග මොනවාදැයි සේනාරත්න මහතා එහිදී ප්‍රශ්න කළේය.

කොළඹ මල් පාර දේශපාලන කාර්යාලයේ පැවැති මෙම මාධ්‍ය හමුවේදී වැඩිදුරටත් අදහස් දැක්වූ රාජිත සේනාරත් මහතා:-

අද අපි මේ විශේෂ මාධ්‍ය සාකච්ඡාව පවත්වන්නේ ඩෙංගු ව්‍යාප්තිය පිළිබඳව.දැන් මෙය වසංගත තත්ත්වයකට පැමිණ තිබෙනවා.ඩෙංගු අවසානයේදී වසංගත තත්ත්වයකට ආවේ 2017වර්ෂයේදී. ඒ අවස්ථාවේදී මේ ඩෙංගු රෝගය මුළු ලෝකය පුරා පැතිරිලා තිබුණා. ලෝක සෞධ්‍ය සංවිධානය කියන විදිහට ඒ කාලයේ ලෝකයෙන් බාගයක් අධි අවධානම් කලාප හැටියට නම් කරලා තිබුණා.

අපේ රට තිබුණෙත් ඒ අධි අවධානම් කලාපයේ. පසුගිය සමයේ ඩෙංගු වසංගතය පැමිණි වහාම එය මර්දනය කරන්න ගත්ත පියවර මොනවාද? අපි ගත්ත ක්‍රියාමාර්ග මේ රටේ ජනතාව අහගෙන හිටියොත් මේ වසංගතයෙන් මිදෙන්න කොයිතරම් බැරෑරුම්ද කියන එක තේරෙනවා.

ලංකාවේ තිබුණ වසංගත රෝග හයක් සම්පූර්ණයෙන්ම නැති කරලා දාන්න යහපාලන රජය යටතේ අපිට පුළුවන් වුණ.