(ෂේන් සෙනෙවිරත්න)

චෝදනා ගණනාවක් සම්බන්ධයෙන් අධිකරණයෙන් වරෙන්තු ලබා සිටි සැකකරුවකු අත්අඩංගුවට ගැනීමට ගිය අලදෙනිය පොලිස් නිලධාරීන්ට පහරදී පැනයාමට උත්සාහ කරද්දී පොලිසිය වෙඩි තබා සැකකරු අත්අඩංගුවට ගෙන ඇතැයි පොලිසිය කියයි. 

වෙඩි පහරින් තුවාල ලැබූ  සැකකරු මහනුවර ජාතික රෝහලට ඇතුළත් කර සිටි

මත්කුඩු භාවිතයට තදබල ලෙස ඇබ්බැහි වී සිටින සැකකරු ඒ සඳහා මුදල් සොයා ගැනීම සඳහා විවිධ කොල්ලකෑම් සිදුකරමින් පොලිස් නිලධාරියකු ලෙස පෙනී සිටිමින් මහ මග යන රථ වාහන නවත්වා ඒවායේ ගමන් කරන පුද්ගලයන්ගේ බඩු බාහිරාදිය පැහැරගැනීම ආදී චෝදනා  සැකකරුට එරෙහිව ඇති බව පොලිසිය කියයි .

සැකකරුගේ දකුණු ඉල ප්‍රදේශයට වෙඩි උණ්ඩය වැදී ඇති බවත් සැකකරු පේරාදෙණිය ශික්ෂණ රෝහලට ඇතුළත් කිරීමෙන් පසු  මහනුවර ජාතික රෝහලට ඇතුළත් කළ බව රෝහල් ආරංචි මාර්ග සඳහන් කරයි .