(රංජිත් කරුණාවීර)

මහියංගන ප්‍රාදේශිය ලේකම් කාර්යාලයීය නව ගොඩනැගිල්ල පසුගියදා දේශපාලඥයන්ගේ සහභාගිත්වයෙන් කිසිදු වියදමකින් තොරව මහා සංඝරත්නයේ සෙත් පිරිත් දේශනා මැද ඉතා චාම් අන්දමින් මහියංගණ ප්‍රාදේශිය ලේකම් සංජය ප්‍රසාද් වීරසිංහ මහතාගේ හා ලේකම් කාර්යාලීය නිළධාරීන් ගේ ප්‍රධානත්වයෙන් ජනතා අයිතියට පත් කෙරිණි. 2017 වසරේ එම නව ගොඩනැගිල්ල සඳහා වැට් රහිත ඇස්තමේන්තු ගත මුදල මිලියන 140කි.

මහියංගණ නගරයට සමීපව, බදුල්ල මහියංගණ මාර්ගයේ, මහියංගණ මුලික රෝහල, ජාතික පාසල හා කලාප කාර්යාලය ආසන්නව නව ප්‍රාදේශිය ලේකම් කාර්යාල පිහිටා තිබීමද ජනතාව ලැබු පහසුකමකි.

නව දෙමහල් ගොඩනැගිල්ල ඉඩ පහසුකම් වලින් සපිරි , 800 දෙනෙකු වෙනුවෙන් ශ්‍රවණාගාර පහසුකම් සහිත විශාල ශ්‍රවණාගාරයකින් හා පැමිණෙන මහජනතාව වෙනුවෙන් සහ කාර්යාලිය නිළධාරින් වෙනුවෙන් විශාල ඉඩපහසුකම් සහිතව නිමවා තිබීමද සුවිශේෂි වේ.

එදින පෙරවරුවේ ජාතික කොඩිය ඔසවා ජාතික ගීය ගායනා කර කිරි උතුරවාලීමෙන් අනතුරුව කාර්‍යාලයීය නිළධාරීන් විසින් සාමාන්‍ය පරිදි රාජකාරි කටයුතු ආරම්භ කිරිම ඉතාමත් සුවිශේෂී වන අතර පසුගිය කාලය පුරා අප රටේ පැවති විශාල උත්සව පවත්වා, මහජන මුදලක් වැය කර පැවැත්වු දේශපාලඥයන්ගේ සහභාගිත්වයෙන් පැවැත්වු විවෘත කිරිම් වලට තිත තබා තිබීම එහිදී දක්නට ලැබිණි.

උත්සව අවස්ථාවේ කෑම මේසය සඳහා නිළධාරින්ගේ නිවාස වලින් කැවුම් කොසිස් කිරිබත් ආදී රසකැවිළි රැගෙන පැමිනීමට නිළධාරීන් කටයුතු කිරිමෙන් මෙම චාම් විවෘත කිරිමේ අවස්ථාව සඳහා රජයේ පාර්ශවයෙන් කිසිදු මුදලක් වැය නොවු බව මහියංගණ ප්‍රා දේශිය ලේකම් සංජය ප්‍රසාද් වීරසිංහ මහතා පැවසීය.