(මුදිතා දයානන්ද)
විධායක ජනාධිපති ක්රමය අහෝසි කිරීමට තිබුණ හොඳම අවස්ථාව ඊයේ අහිමි වූයේ යැයි පාර්ලිමේන්තු මන්ත්රී ආශු මාරසිංහ මහතා අද (20) පැවසීය.
හැම පාලකයෙක්ම ජනතාව රැවැට්ටුවා. තවදුරටත් රැවැට්ටීම වැළැක්වීම සඳහා තමයි විධායකය අහෝසි කිරීමේ යෝජනාවක් ඊයේ කැබිනට් මණ්ඩලයට ගෙන ආවේ යැයිද ඔහු පැවසීය.
ඔහු මේ බව පැවසුයේ අරලියගහ මන්දිරයේ පැවති මාධ්ය හමුවකදී අදහස් දක්වමිනි.
එහිදී ඔහු මෙසේද පැවසීය.
‘‘විධායකය ගෙන ආ පක්ෂයක සාමාජිකයෙක් ලෙස මම අද සතුටුවෙනවා. විධායකය අහෝසි කිරීමේ අවශ්යතාවය දැක ඒ වෙනුවෙන් කටයුතු කිරීම ගැන. අපි ශිෂ්ය ව්යාපාරයේ කටයුතු කළ කාලයේ සිටම විධායක ජනාධිපති ක්රමය අහෝසි කිරීමට අරගල කළා. විධායකය නිසා රටේ හැමදාමත් ප්රශ්න රැසක් ඇති වුණා. මේ තත්ත්වය දැකලා විධායකය ගෙන ආ පක්ෂයම අද විධායකය අහෝසි කිරීමට සුදානම් වෙද්දි එදා විධායකයට විරුද්ධව සිටි ශ්රී ලංකා නිදහස් පක්ෂය අද විධායකය වෙනුවෙන් පෙනී සිටිනවා.
ජනාධිපතිතුමාටත් විධායකට අහෝසි කිරීමේ දැඩි අවංක උවමනාවක් තිබෙන බව පේනවා. ඊයේ කැබිනට් මණ්ඩලයට යෝජනාව ගෙන එන්නෙත් එතුමාගේ අවශ්යතාවය මත බව මා සමඟ අදහස් දැක්වූ අවස්ථාවකදී පැහැදිලි වුණා.
ඒ ගැන මා සතුටු වෙනවා. ඇත්තටම හැමදාම විධායකය අහෝසි කරන බවට ජනතාවට පොරොන්දු දී බලයට එන අය ඒක පසුව අමතක කර දමනවා. ජනතාව රවට්ටනවා. තවදුරටත් ජනතාව රැවැට්ටීමට ඉඩ නොතැබිය යුතුයි.
පාස්කු ප්රහාරය සම්බන්ධයෙන් සෙවීමේ පාර්ලිමේන්තු තේරීම් කාරක සභාව හමුවේ කරුණු දැක්වීමට ජනාධිතිතුමා එකඟ වීම ගැන මා සතුටු වෙනවා. එතුමා අද තේරීම් කාරක සභාවට ඉදිරිපත් කළා ප්රහාරය සම්බන්ධයෙන් සෙවීමට පත්කළ මලල්ගොඩ කමිටුවේ වාර්තාව. එය අප අධ්යයනය කළ යුතුයි. ඒ නිසා එහි අඩංගු කරුණු ගැන දැනට කිසිවක් කිව නොහැකියි.
එහිදි මාධ්යවේදින් නැගූ ප්රශ්නවලට මාරසිංහ මහතා මෙසේ පිළිතුරු දුන්නේය.
ප්රශ්නය - ඇයි මේ යෝජනාව කැබිනට් මණ්ඩලයට ගෙන එන්න ජනාධිපතිවරණයක් ප්රකාශයට පත් කරනතුරු සිටියේ? මේ තරම් උවමනාවක් තිබුණා නම් ජවිපෙ පෞද්ගලික මන්ත්රී යෝජනාවක් ලෙස ගෙන ආ විසිවන සංශෝධනය සාකච්ඡාවට වත් නොගෙන මෙපමණ කල් ගත්තේ ඇයි?
පිළිතුරු - හොඳ දේවල් කරන්න නැකත් බල බලා ඉන්න අවශ්ය නැහැ. මේක පාර්ලිමේන්තු ක්රියාවලියක්. ඒක ජනාධිපතිවරණයට බලපාන්නේ නැහැ. හැමදාම ජනාධිපතිවරණයකදී විධායකය අහෝසි කරන බව පවසා බලයට පැමිණ එය පවත්වාගෙන යනවා.
අපි මේ යෝජනාව සම්මත කර තිබුණා නම් බලයට පත්වන ජනාධිපතිවරයාට එම යෝජනාව ක්රියාත්මක කරන්න සිදුවෙනවා. ඒකට තිබුණ අවස්ථාවයි දැන් මේ අහෝසි වී තිබෙන්නේ.
ප්රශ්නය - මේ යෝජනාවට එක්සත් ජාතික පෙරමුණේ සුලූ පක්ෂ කැමති නැහැ නේද?
පිළිතුර - ඔව්. අපිට හිතාගන්න බැහැ ඇයි ඔවුන් විරුද්ධ වන්නේ කියලා. ජනතා විමුක්ති පෙරමුණත් දෙමළ ජාතික සන්ධානයත් දැඩි ලෙසම මේ ක්රමයට විරුද්ධයි. එහෙත් සමහර සුලූ පක්ෂ එය අවශ්ය බවට දැඩිව කියා සිටිනවා.
ප්රශ්නය - මේ වෙලාවේ මේ යෝජනාව ගෙන ආවේ සජිත් ප්රේමදාස මහතා ජනාධිපතිවරණයට ඉදිරිපත් වීම වැළැක්වීම කියලත් ඇතැමුන් චෝදනා කරනවා.
පිළිතුර - නැහැ. ඒක සම්පුර්ණ වැරදි අදහසක්. ජනාධිපතිවරණයක් කැඳවා තිබුණා කියලා පාර්ලිමේන්තුවේ වැඩ නවතින්නේ නැහැ. එහි කටයුතු කරගෙන යන්න පුලූවන්.
කොමර්ෂල් බැංකුව 2024 අප්රේල් 22 වැනි සඳුදා සිට බලපැවැත්වෙන පරිදි සිය සභාපතිවරයා ලෙස ප්රමුඛතම ජාත්යන්තර ආයෝජන බැංකුකරුවකු වන ෂාර්හන් මුෂීන් මහතා සහ නි
අධ්යයන පොදු සහතික පත්ර උසස් පෙළ 2023 විභාගයේ ප්රතිඵල නිකුත් කිරීමට මේ මස අවසන් සතියේ පමණ හැකිවනු ඇතැයි විභාග දෙපාර්තමේන්තු ආරංචි මාර්ග සඳහන් කරයි.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අහංගම ගොයියපාන මුහුදු තිරයේ දියේ ගිලෙමින් සිටි යුක්රේන් ජාතික විදේශිය කාන්තාවක් බේරාගැනිම සදහා අද (01) මුහුදට පනිනු ලැබු පුද්ගලයකු දියවැලකට හසුවිමෙ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘විධායක ජනපති ක්රමය අහෝසි කරන්න තිබුණ හොඳම අවස්ථාව අහිමි වුණා‘‘