(ශ්‍රීනාත් ප්‍රසන්න ජයසූරිය)

කෑගල්ල දැඩිගම විදුහලක විදුහල්පතිවරයකු දහවැනි වසරේ ඉගෙනුම ලබන සිසුවකුගේ මුහුණ සිප ගත් බවට එම සිසුවාගේ මව පොලිසියට පැමිණිල්ලක් කර ඇත. 

මෙම සිද්ධියට මුහුණ දුන් බව කියන සිසුවාගෙන් ද ප්‍රකාශයක් ලබාගෙන විදුහල්පතිවරයාගෙන් ද ප්‍රකාශයක් ලබා ගත් බව පොලිස් ආරංචි මාර්ග සඳහන් කරයි.

දහවෙනි වසරේ ඉගෙනුම ලබන මෙම සිසුවා සිගරැට් පානය කරපැමිණ ඇති බවට ලැබුණු තොරතුරක් මත සිගරට් ගඳ වාහනයවන්නේ දැයි යන්න සොයා බැලීමට එසේ කළ බව විදුහල්පතිවරයා පවසන්නේ යැයි එම උසස් පොලිස් නිලධාරියා කීය.

සිසුවා සිගරට් පානය කරනොමැති බව එම පරීක්ෂාවේ දී අනාවරණය වූ බව ද විදුහල්පතිවරයා පොලීසියට පවසා ඇතැයි දැනගන්නට ඇත.

එසේ නොමැතිව වෙනත් අරමුණකින් මෙවැන්නක් නොකළ බවද විදුහල්පතිවරයා වැඩිදුරටත් පොලිසියට පොලීසියට පවසා ඇති බවද කියති.