(සුජිත් හේවාජුලිගේ සහ  අංජුල මහික වීරරත්න)

ආර්ථික අර්බුදය හේතුවෙන් වෘත්තිකයන් රට හැර යෑමේ හැරයාමේ ප්‍රවණතාවය පිළිබඳ සභාව කල්තබන අවස්ථාවේ විවාදයක් ලබන මස 6 වැනිදා පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කළ බව  එහි මහලේකම්  නීතිඥ  කුෂානි රෝහණදීර මහත්මිය පැවසුවාය.

මෙම යෝජනාව ගෙන එනු ලබන්නේ විපක්ෂය විසිනි.

පාර්ලිමේන්තුව ලබන මස 3 වැනිදා සිට  6 වැනිදා දක්වා පැවැත්වීමට නියමිතය.

පාර්ලිමේන්තුව රැස්වන මෙම සෑම දිනකම පෙ.ව 9.30 - පෙ.ව 10.30 කාලය වාචික පිළිතුරු අපේක්ෂා කරන ප්‍රශ්න සදහා  වෙන් කෙරෙනු ඇත.

සිවිල් නඩු විධාන සංග්‍රහය (සංශෝධන) පනත් කෙටුම්පත (දෙවැනිවර කියවීම), මැතිවරණ (විශේෂ විධිවිධාන) පනත් කෙටුම්පත (දෙවැනිවර කියවීම), සමථ මණ්ඩල (විශේෂ වර්ගවල ආරවුල්) පනත යටතේ නියෝග සහ අධිකරණ සංවිධාන පනත යටතේ නියමය  ලබන මස 03 වැනිදා  අඟහරුවාදා පෙ.ව. 10.30 සිට ප.ව.5.00 දක්වා  විවාදයට ගැනීමට නියමිතය.

ඉන් අනතුරුව ආණ්ඩු පාර්ශ්වය විසින් ගෙන එනු ලබන  සභාව කල් තබන අවස්ථාවේ යෝජනාව පිළිබඳ විවාදයක්  විවාදය  ප.ව. 5.00 සිට ප.ව. 5.30 දක්වා  පැවැත්වේ.