වෙඩික්කරුට නවාතැන් දුන්නැයි බන්ධනාගාර සැරයන් අත්අඩංගුවට

(ඉන්දිකා  රාමනායක)

ගලපිටමඩ දුනුමාල හංදිය ප්‍රදේශයේ දී  ඉකුත්  ජුලි මස 14දින  පුද්ගලයකුට වෙඩි තැබීමේ සිද්ධියේ  සැකකරුට  නිවසේ නවාතැන් ලබා දීමේ සිද්ධියක් සම්බන්ධයෙන්  බන්ධනාගාර සැරයන්වරයෙකු  කොළඹ   අපරාධ කොට්ඨාශය මගින් අත්අඩංගුවට ගනු ලැබ ඇත.

මෙම වෙඩි තැබීමේ සිද්ධියෙන් පසු  එහි සැකකරු වන "චතුවා"    නමැත්තා  ට  බන්ධනාගාර සැරයන්වරයා රාජගිරියේ පිහිටි ඔහුගේ තෙමහල්  නිවසේ  දෙවන මහලේ නවාතැන් ලබා දී ඇති බව පොලීසිය සඳහන් කරයි.

මෙම වෙඩි තැබීම සම්බන්ධයෙන්  චතුවා  නමැත්තා  කොළඹ අපරාධ කොට්ඨාශය මගින් අත්අඩංගුවට ගෙන  රඳවා ගෙන ප්‍රශ්න කිරීමේදී බව හෙළිකර ඇත.

ඒ අනුව අපරාධ කරුවන්ට රැකවරණය ලබාදීම සම්බන්ධයෙන්   සැකකාර සැරයන් අත්අඩංගුවට ගෙන ඇත. මෙම නිවසේ  අපරාධකරුවන් රැසක් මෙහි නවාතැන් ගෙන සිටි බවට සැකකරු පොලීසියට ප්‍රකාශ කර ඇත.