(අංජුල මහික වීරරත්න)

 ණය දෙන ආයතන වල  විශ්වාසය දිනාගෙන රට ගොඩනගන්න හදන අවස්ථාවේ කවුරුන් හෝ විසින් නැවත වැඩ වර්ජන රැල්ලක් ඇති කළොත් ආයෙත් සියලු දෙනාටම ඉන්න වෙන්නේ මහ පාරේ බව එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබෙිවර්ධන මහතා පැවසීය.


ජාතිය මහ පාරට ඇද දාන්න එපා යැයි ඉල්ලා සිටින බව කී අබෙිවර්ධන මහතා මෙවර අය වැයෙන්  රාජ්‍ය සේවකයන්  ලක්ෂ 16 කගේ වැටුප් වැඩි කරන බවට රනිල් වික්‍රමසිංහ ජනාධිපතිවරයා ප්‍රකාශ කර ඇතැයි පැවසීය.

වැටුප් වැඩි කළාට රට දුවන්න බැරි බව කී අබේවර්ධන මහතා පෞද්ගලික  අංශයේත් වැටුප් වැඩි කරන්න තිබෙන බවද වැටුප් වැඩි කරන්න වෙන්නේ මහජනතාවගේ බදු මුදල් අරගෙන බවද සඳහන් කළේය.

ඒ බදු වලින් තෝරාගත් පිරිසකට වැටුප් වැඩි කරන්න වන බව ද  අබෙිවර්ධන මහතා කීය.

වැඩ වර්ජන කර බෝඩ් ඇල්ලූ විට වෙන්නේ ලංකාව ස්ථාවර නැතැයි ජාත්‍යන්තර මාධ්‍ය වලට පෙන්වීම යැයි අබෙිවර්ධන මහතා සඳහන් කළේය.  පෙළපාළි යන රටකට සංචාරකයන් එන්න බය බවද මන්ත්‍රීවරයා පැවසීය.

ජනාධිපති කාර්යාලයේ පැවති මාධ්‍ය හමුව අමතමින් වජිර අබෙිවර්ධන මහතා මේ බව පැවසීය.