( රෝහණ සමරවීර සහ  ජයන්ත නානායක්කාර)

 ඇැඹිලිපිටිය කුඹුගොඩආර පාලම මතින් කොට ලොරියක් ගමන් කරමින් තිබියදී   ලොරි රථය සමගම  අද (05) එම පාලම  හුලන්දාව ඔයට කඩා වැටී ඇත.

තෝරකොලයාය දෙස සිට කොටන්  තොගයක් රැගත් ලොරි රථය පාලම මතින් ඇඹිලිපිටිය දෙසට ගමන් කරමින් සිටියදි එම අනතුර සිදුවී ඇති අතර එහි රියදුරුට අමතරව ලොරි රථ සහයකයෙක් ගමන්කර ඇති බවත් අනතරෙන් පසුව ප්‍රදේශ වාසීන් එක් එම දෙදෙනා පිටතට ගෙන ඇති නමුත් ඔවුන්ට තුවාලයක් නැති බව පොලිසිය පවසයි.

මේ වන විට එහි වාහන ගමනා ගමනය හා පා ගමන් සම්පූර්ණයෙන්ම නැවැතී ඇති අතර ව්කල්ප මාර්ගයක් ලෙස ඇඹිලිපිටිය කදුරුගස්ආර හරහා මිද්දෙනිය මාර්ගය භාව්තා කරණ ලෙස ඇඹිලිපිටිය මූලස්ථාන පොලිසිය ජනතාවගෙන් ඉල්ලා සිටියි.

කඩා වැටී ඇති පාලම හරහා සමහර පුද්ගලයන් එගොඩ මෙගොඩ වීමට උත්සහ කිරීම දැඩි අනාරක්ෂිත ක්‍රියාවක් බවත් එය වහා නවතා දමන ලෙස පොලිසිය ජනතාවට ඉල්ලීමක් කර සිටියි.