(රෝහණ චන්ද්‍රදාස)

සිය අනියම් බිරිය සමඟ අනුරාධපුරයේ පෞද්ගලික ලැගුම්හලක රැඳී සිටි පුද්ගලයකු හදිසි හෘදයාබාධයකට ලක්වීමෙන් මියගොස් ඇතැයි අනුරාධපුර පොලිසිය කියයි.

මෙසේ මියගොස් ඇත්තේ තලාව කිරලෝගම මීගස්සෑගම 49 හැවිරිදි දෙදරු පියෙකි.

ඔහු තම අනියම් බිරිය බව කියන කාන්තාවක සමඟ  ලැඟුම්හල වෙත පැමිණ සිටි බවට පොලිස් විමර්ශනවලින් අනාවරණය කරගෙන ඇත.

එදින දහවල් එකට පමණ ඔහු ලැගුම්හල තුළ දී හදිසියේ ම වැටීමකට ලක්ව ඇති අතර පසුව රෝහල් ගතකර තිබේ. වෛද්‍ය පරීක්ෂාවේ දී මෙම තැනැත්තා මියගොස් ඇතැයි රෝහලෙන් දැනුම් දී ඇත.

අනුරාධපුර ශික්ෂණ රෝහලේ අධිකරණ වෛද්‍ය අංශය මඟින් පශ්චාත් මරණ පරීක්ෂණය පවත්වා නිකුත් කළ වාර්තාවට අනුව මෙය හදිසි හෘදයාබාධයකින් සිදු වූ මරණයක් බවට නිගමනය කෙරිණි.