(පුෂ්පකුමාර මල්ලවආරච්චි )

රුපියල් ලක්ෂ 25 කට විකිණීම සඳහා රැගෙන ගිය බව කියන ගජමුතුවක් සැකකරුවකු සමග අත්අඩංගුවට ගත් බව දිවුලපිටිය පොලිසිය කියයි .

ඒකල ගුවන් හමුදා කදවුරේ බුද්ධි අංශ නිලධාරීන්ට ලැබුණු තොරතුරක් මත මෙම වැටලීම කෙරිණි .

දිවුලපිටිය  නගරයේ දී යතුරු පැදියකින් ගමන් ගත් පුද්ගලයෙක් පරික්ෂා කිරීමේදී  මෙම ගජමුතුව සොයා ගැනීමට හැකිවී ඇත.

මෙම ගජමුතුව රුපියල් ලක්ෂ 25 කට අලෙවි කිරිම සඳහා රැගෙන යමින් තිබු එකක් බව සැකකරුගෙන් ප්‍රශ්න කිරීමේ දී පොලීසිය අනාවරණය කරගෙන ඇත .

අත්අඩංගුවට ගත්සැකකරු  අද( 2 )මිනුවන්ගොඩ අධිකරණයට ඉදිරිපත් කිරීමට නියමිතව තිබිණි .