(විමුක්ති එස් රුද්‍රිගු)

කොළොඹ වාරය නගරය පසුගිය දා ලක්දිව මුහුදට මුහුණලා කෘතිම වෙරළක් නිරාවරණය කළ බවත් කිලෝමීටර 1340 වෙරළ තීරයකට උරුමකම් කියන ආර්ථික අර්බුදයෙන් බැට කමින් සිටින ශ්‍රී ලංකාවට මේ මොහොතේ අවශ්‍ය කෘතීම වෙරළ තීරයක්ද යන්න කොළඹ නගරයේ වාසය කරන ශ්‍රී ලාංකිකයන්ගේ කණසල්ලට හේතුවක් වී ඇති බවත් අල්-ජසීරා පුවත් සේවය වාර්තා කර ඇත.

අක්කර 665 ගොඩ කරමින් ඉදිවන කොළොඹ වාරය නගර ව්‍යාපෘතිය තිරසාර නොවන බවත් ශ්‍රී ලංකාවේ ආර්ථිකයට විශේෂ වාසියක් අත්කර නොදෙන බවත් එය දැඩි බදු බරින් සහ ආර්ථික අර්බුදයකින් පීඩා විඳින ශ්‍රී ලංකාවෙන් වෙන්වූ බදු බරින් නිදහස් සිහිනලන්තයක් බවත් විචාරකයෝ චෝදනා කර ඇතැයි අල්-ජසීරා පුවත් සේවය පෙන්වා දී තිබේ.

කෙසේ වෙතත් වරාය නගරය සංවර්ධනය කිරීම භාර චෙක් පෝර්ට් සිටි කොළඹ සමාගම විචාරකයන්ගේ මෙම විවේචන ප්‍රතික්ෂේප කරන බවත් කොළඹ වරාය නගරය දකුණු ආසියාවේ තිබෙන ලොව ප්‍රධාන පෙළේ නගරයක් වනු ඇතැයි පෙන්වා දී ඇති බවත් අල්-ජසීරා පුවත් සේවය සඳහන් කර ඇත.

චෙක් පෝර්ට් සිටි කොළඹ සමාගම චයිනා හාර්බර් ඉංජිනියරින් සමාගමේ පූර්ණ අනුබද්ධිත ආයතනයක් බවද අල්-ජසීරා පුවත් සේවය පෙන්වා දී තිබේ.2041 වසරේදී කොළඹ වරාය නගරයේ ඉදිකිරීම් කටයුතු අවසාන වීමට තිබුණත් ඇතැම් කොටස්වල ඉදිකිරීම් මේ වන විට අවසන් කර තිබෙන බව අල්-ජසීරා පුවත් සඳහන් කර තිබේ.ඉදිකිරීම් අවසන් කර ඇති පදික පාලම සහ කෘතීම වෙරළ පසුගිය දෙසැම්බර් මාසයේදී විවෘත කිරීමට නියමිතව තිබූ නමුත් නරඹන්නන්ට  එය නැරඹීමට යාමට අවසර ලබා දී නොමැති බව අල්-ජසීරා පුවත් සේවය වාර්තා කර ඇත.

කොළඹ වරාය නගරයට චීනය හෝ චීන සමාගමක් අයිතිවාසිකම් නොකීවත් අලෙවි කළ හැකි අක්කර 440 ක ප්‍රමාණයෙන් සියයට 65 ක් චීනය ප්‍රධාන කොටස්කරුවකු වන සමාගමකට 99 අවුරුදු බදු පදනමක් මත හිමිවන බව  අල්-ජසීරා පුවත් සේවය සඳහන් කර තිබේ.

මෙම ව්‍යාපෘතිය මගින් නව රැකියා 143,375ක් නිර්මාණය වන බවත් වසරකට ඩොලර් බිලියන 13.8ක අමතර ආර්ථික වටිනාකමක් ඇති කරන බවත් චෙක් පෝර්ට් සිටි කොළඹ සමාගම පවසා ඇත.

මෙම ව්‍යාපෘතිය මගින් දිනකට ජල ඉල්ලුම ඝන මීටර් 39,000 කින් ඉහළ යනු ඇතැයි ඇස්තමේන්තු කර ඇති අතර එය ප්‍රමාණයෙන් ඔලිම්පික් පිහිනුම් තටාක 15 කි.මෙම ව්‍යාපෘතියට අවශ්‍ය බලශක්තිය ලබා ගැනීම සඳහා මහා පරිමාණ පුනර්ජනනීය බලාගාරයක් පිහිටුවීම ප්‍රයෝගික නොවන බවද අදාළ සමාගම ප්‍රකාශ කර තිබේ.

බොහෝ විචාරකයන් මෙය ශ්‍රී ලංකාවට විශේෂ වාසියක් අත් නොවන තවත් එක් ව්‍යාපෘතියක් බවට විවේචන එල්ල කරන බව අල් ජසීරා පුවත් සේවය පෙන්වා දී ඇත.