(විමුක්ති එස් රුද්‍රිගු)

පාර්ලිමේන්තුවේ බහුතර ඡන්දයෙන් සම්මත කරන ලෙස මාර්ගගත ක්‍රමවල සුරක්ෂිතතාවය පිළිබඳ පනත කෙටුම්පත  ශ්‍රී ලංකාවේ අභ්‍යන්තර කරුණක් බවත් එයට විදේශයන්හි මැදිහත් වීම අනවශ්‍ය බවත් ශ්‍රී ලංකාවේ රුසියානු තානාපති ලෙවාන් ජගාරියාන් මහතා නිවේදනයක් නිකුත් කරමින් අද (27) ප්‍රකාශ කළේය.

එම පනත් කෙටුම්පතට මෙරට සිටින විදෙස් රටවල නියෝජිතයන් අදහස් ප්‍රකාශ කරමින් මැදිහත් වීම කිසිසේත් පිළිගත නොහැකි බවත් ශ්‍රී ලංකාවේ අභ්‍යන්තර ප්‍රශ්න ඔවුන්ට අදාල කරුණක් නොවන බවත් රුසියාවේ මතය බව තානාපතිවරයා පැවැසුවේය.

මාර්ගගත ක්‍රමවල සුරක්ෂිතතාවය පිළිබඳ රෙගුලාසි පැනවීම ශ්‍රී ලංකාවේ අභ්‍යන්තර ප්‍රශ්නයක් බවත් එම පනත් කෙටුම්පතට  දේශීය දේශපාලනඥයන් සහ මෙරට සිටින විදෙස් රටවල් නියෝජනය කරන නිලධාරීන් දැක්වූ අදහස් වලට රුසියානු තානාපති කාර්යාලයේ අවධානය යොමු වූ බවත් රුසියානු තානාපතිවරයා ප්‍රකාශ කළේය.