(අංජුල මහික වීරරත්න සහ සුජිත් හේවාජුලිගේ)

ශ්‍රී ලංකාව මන්දපෝෂණය අතින් ලෝකයේ ම පස් වන තැනට ද කලාපයෙන් දෙවන තැනටද පැමිණ ඇතැයි සමගි ජන බලවේගයේ  ගම්පහ  දිස්ත්‍රික් මන්ත්‍රී කාවින්ද ජයවර්ධන මහතා පාර්ලිමේන්තුවේ දී පැවසීය.

ආර්ථික අර්බුදය නිසා දුප්පත් ජනතාව එක වේලක් හෝ දෙවේලක් මඟ හරිමින් සිටින බව කී කාවින්ද ජයවර්ධන මහතා මෙම මන්දපෝෂණ අර්බුදයෙන් අනාගත දරු පරපුර ආරක්ෂා කර ගත යුතුව තිබෙන බවද කීය.

සෞඛ්‍ය අමාත්‍යාංශයේ වැය ශීර්ෂ පිළිබඳ කාරක සභා අවස්ථා විවාදයට එක්වෙමින් කාවින්ද ජයවර්ධන මහතා මේ බව කීය.