රාජ්‍ය ආරක්ෂක ඇමැති මානව හිමිකම් කොමිසමේ දොසක් දකී

(සුජිත් හේවාජුලිගේ සහ නිමන්ති රණසිංහ )

අරගලය අවස්ථාවේදී රඹුක්කන ප්‍රදේශයේ තෙල් බවුසර් දෙකකට ගිනි තබමින් කලහකාරී ලෙස හැසිරුණු පිරිසට වෙඩි තබා ජනතාවගේ ජීවිත බේරා බේරා ගැනීමට කටයුතු කළ පොලිස් නිලධාරින්ට ප්‍රශංසාව පුද කරනු වෙනුවට ඔවුනට දඬුවම් කිරීමට ශ්‍රී ලංකා මානව හිමිකම් කොමිෂන් සභාව නිර්දේශ කිරීම ලජ්ජා සහගත බව ජාතික ආරක්ෂාව පිළිබඳ ආංශික අධීක්ෂණ පාර්ලිමේන්තු කාරක සභාව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතාට ලිපියකින් දැනුම්දී ඇත.

මැරයන් ඉන්ධන බවුසරයකට ගිනි තැබුවා නම් එය පුපුරා ගොස් සිදුවන හානිය කොතෙක් දැයි සිතාගත නොහැකි බවත් එවැන්නෙක් සිදුවුණ නම් පළාතේ නිවාස මෙන්ම වෙළෙඳ සල්ද විනාශ වනු ඇති බවත් කාරක සභාව එම ලිපියෙන් පෙන්වා දී ඇත.

ඒ අනුව ප්‍රදේශයේ ජේෂ්ඨ පොලිස් අධිකාරීවරයා කර ඇත්තේ තම රාජකාරිය නිසි ලෙස ඉටු කිරීමකැයි කාරක සභාව සඳහන් කරයි.

ඔහු එසේ තම රාජකාරිය ඉටු නොකළා නම් තෙල් බවුසරය ගිනි තබන තුරු සිටියානම් එය පුපුරා ගොස් සිදුවන හානියට වගකිව යුත්තේද ඔහුම බව පවසන කාරක සභාව එවිට සියල්ලන්ගේම දෝෂාරෝපණයට ලක් වන්නේද එම නිලධාරියා බව සඳහන් කරයි.

මේ සිද්ධියෙන් පසු මෙම ජේෂ්ඨ පොලිස් අධිකාරීවරයා සහ කොස්තාපල්වරුන් තිදෙනකු රිමාන්ඩ් භාරයට ගත් බවත් අද වන විට ඔවුන් තම පෞද්ගලික මුදලින් නීතිඥ ගාස්තු ගෙවමින් නඩු වලට මුහුණ දෙමින් සිටින බවත් එම වාර්තාවෙන් පෙන්වා දී ඇත.

ස්ථානෝචිත ප්‍රඥාවෙන් තැනට සුදුසු ලෙස තීරණ ගත් එම පොලිස් නිලධාරියාට මේ අනුව සලකන හැටි සාධාරණ දැයි කමිටුව එම ලිපියෙන් ප්‍රශ්න කරයි.

අදහස් (9)

රාජ්‍ය ආරක්ෂක ඇමැති මානව හිමිකම් කොමිසමේ දොසක් දකී

Ramani Monday, 23 October 2023 08:11 PM

පොලිසියට අහිංසක මිනිස්සු මරන්න බලයදීලා නැහැ...!!! ඔය ණයට ගත්තු ඇමැතිකම පොඩි ළමයෙකුට දෙන්න.

: 0 0

Saman Monday, 23 October 2023 08:26 PM

එතැන වුනේ අරගලයක් නෙමෙයි. අනික තෙල් බවුසරේට ගිනි ඇවිලෙන එක නවත්තන්නයි මිනිස්සු හැදුවේ. පොලිසිය අහක හිටපු මනුස්සයෙකුට බඩට වෙඩි තියලා මැරුවේ. ආණ්ඩුවේ පිරිස් තමයි එතැන ඇවිලුවේ. එහෙම පොලිස් නිලධාරීන්ට ප්‍රශංසා කරන්න නෙමෙයි මරණ දඬුවම් දෙන්න ඕනෑ. මිනිස්සුන්ට හානිකරන අයට වෙඩි තියෙනවා නම් මුලින්ම පොලිසිය වෙඩි තියෙන්නේ ඔයාලාට...

: 0 0

Rama Monday, 23 October 2023 08:46 PM

අපිත් එකඟයි. පළාතම ගිනිගත්තා නම් ඒකෙන් වෙන හානි ඔය මානව හිමිකම් සංවිධාන දන්නවාද? නයිජීරියාවේ ඔහොම බවුසර් එකක් පුපුරලා 500 ගානක් මැරුණු බවක් දැන් අවුරුදු ගානකට කලින් පුවත්පත් වල පළවුණා. ඉතින් ඒ පොලිස් නිලධාරීන්ට නීතිපති දෙපාර්තමේන්තුව මගින් උදව් කරන්න බැරි මොකද?

: 0 0

Kelum Sampath Monday, 23 October 2023 08:54 PM

එහෙමද ආස...?

: 0 0

සුජිත් පල්ලේවත්ත Monday, 23 October 2023 09:28 PM

ඔය සිද්ධිය වුණේ ගාසා තීරයේ නෙමෙයිනේ... අන්න ඒකයි වෙනස...!

: 0 0

මොට්ටපාල Tuesday, 24 October 2023 04:09 AM

අර ජාතක කතාවක තියෙනවා අතේ තිබුණු කඩල මිටෙන් ඇටයක් බිම වැටුණාම අනෙක් සියල්ලම විසිකර බිම වැටුණු ඇටේ සෙවීමට වඳුරෙක් කටයුතු කළා කියලා... ඒ වගේ දහස් ගණනක් නැත්නම් සිය ගණනක් බේරා ගන්න කෙෙනකුට වෙඩිතැබූ නිලධාරියාට විරුද්ධව කටයුතු කිරීමත් ඒ වඳුරු වැඩේට දෙවැනි නැහැ කියන්න පුළුවන්... කොහොම වුණත් ඔය කොමිසමේ අය කටයුතු කරන්නේ මොන්ටිසෝරියකටවත් නොගිය වයසේ ළදරුවන් කරන වැඩ වගේම දේවල් තමයි..!

: 0 0

Lakmal Tuesday, 24 October 2023 04:51 AM

මේ වගේ කෙ‍නෙක් රාජ්‍ය ආරක්ෂක ඇමති කරලා මෙහෙම පොර ටෝක් දෙන්න පත් කරපු අයට ඉස්සරලා පයින් ගහන්න ඕනේ. සුදුසුකම් මොනාද ඇමති කෙනෙක් වෙන්න? අඩුම සිකුරුටි ජොබ් එකකට යන්න සුදුසුකම් තියෙනවාද?

: 0 0

Costhapal punnasoma Tuesday, 24 October 2023 07:43 AM

දණහිසෙන් පහළට නෙවෙයි, මැරෙන්නම තියන්න කියපු එක හරි කියලද කියන්නේ?

: 0 0

Wije Tuesday, 24 October 2023 11:56 AM

කොහොමටත් පොදු පෙරමුණු තක්කඩි ආණ්ඩුවේ මැරයින්ට මානව හිමිකම්, ප්‍රජාතන්ත්‍රවාදය, වගේ දේවල් නයාට අඳුකොළ වගේ... රාජපක්ෂ හිතවාදී මේ ටයි කෝටි අඳින තක්කඩි මහජනයා කෙරෙහි තියෙන්නේ අසීමිත වෛරයක්...!

: 0 0