(  සිතුම් චතුරංග)

රක්ෂිත ප්‍රදේශයන්හි නීති විරෝධීව තේක්ක දැව කඳන් කපා ටිපර් රථවලින් ප්‍රවාහනය කළ පුද්ගලයින් සිව්දෙනකු වවුනියාව නගරය ආසන්නයේදී අත්අඩංගුවටගත් බව පොලිස් විශේෂ කාර්ය බලකාය පවසයි.

වැලි ප්‍රවාහනය කරන මුවාවෙන් රහසිගත ලෙස සිදුකෙරෙන දැව ජාවාරමක් සම්බන්ධයෙන් පුලියංකුලම පොලිස් විශේෂ කාර්ය බලකා කඳවුර වෙත ලැබුණ තොරතුරක් මත සිදුකළ විශේෂ වැටලීමකදී ටිපර් රථ දෙකක් තුල රැගෙන යමින් තිබූ තේක්ක දැව කඳන් 40 ක් සමඟ සැකකරුවන් අත්අඩංගුවටගත් බව විශේෂ කාර්ය බලකාය පැවසීය.

අත්අඩංගුවටගත් තේක්ක දැව කඳන් තොගයේ වටිනාකම රුපියල් මිලියනයකට අධික වන අතර වවුනියාව ප්‍රදේශයේ දැව මඩු සඳහා සැකකරුවන් තේක්ක දැව කඳන් රැගෙනයමින් තිබූ බවට අනාවරණයවූ බවත් සඳහන් කළේය.