(ආරියරත්න රණබාහු, සුජිත් හේවාජුලිගේ සහ අංජුල මහික වීරරත්න)
පසුගිය රජයේ රැකියා දශ ලක්ෂයේ ව්යාපෘතිය කතාවට පමණක් සීමාවී තිබූ ව්යාපෘතියක් යැයි ආණ්ඩු පක්ෂයේ ප්රධාන සංවිධායක ඇමැති ජොන්ස්ටන් ප්රනාන්දු මහතා පාර්ලිමේන්තුවේදී අද (6) පැවසීය.
කොළඹ දිස්ත්රික් පාර්ලිමේන්තු මන්ත්රී උදය ගම්මන්පිල මහතා ඇසූ ප්රශ්නයකට පිළිතුරු දෙමින් ඇමැතිවරයා එසේ කීය.
උදය ගම්මන්පිල මහතා:
පසුගිය රජයේ ලොකුම ව්යපෘතිය වූ රැකියා දශ ලක්ෂය ව්යාපෘතිය තිබුණේ මාධ්යවල පමණද?
ඇමැති ජොන්ස්ටන් ප්රනාන්දු මහතා:
ඒක කතාවට පමණක් සීමා වෙච්ච දෙයක්. ඒ නිසා තමයි රටේ ජනතාව ඒ ආණ්ඩුව අවුරුදු පහක් යන්න ඉස්සෙල්ලා යැව්වේ. තරුණයන්ට සම්පූර්ණයෙන් බොරු කළ ආණ්ඩුවක්.
කබිර් හසීම් මහතා:
මේ වගේ මෝඩ ප්රශ්න අහනකොට උත්තර දෙන්න ඕන අපි මේ ව්යාපෘතිය රස්සාවල් දෙන ඒවා පොතේ පතේ ලියල තිබ්බේ නැහැ. අර්ථසාධක ගිණුම් අරගෙන බලන්න කොපමණ රස්සා දුන්නද කියලා. අපේ ලක්ෂ 10 අරමුණට ගිහින් තියෙනවා. මේ අය කරන විදියට කැලෑ කැපීමට සහ කාණු ශුද්ධ කිරීමට අපි දැම්මේ නැහැ.
විපක්ෂ නායක සජිත් පේ්රමදාස මහතා:
ජනාධිපතිවරණයට පෙර 2014 මහින්ද රාජපක්ෂ මහතා චක්රලේඛයක් ගෙනාවා සියලූම අනියම් කොන්ත්රාත් අය ස්ථිර කරන්න කියලා. ඒක හරියට කෙරුණේ නැහැ. ඒ රස්සා අපි ස්ථිර කළා. ඒ වගේ තත්ත්වයක් දැන් උදාවෙලා. දසදහස් ගණනක් එළියට දාලා. රැකියා කොච්චර ගණනක් ඇති කළාද කියල අහනකොට මෙතුමලාට පොඩි කලබලයක් ඇතිවෙනවා. කරුණාකරලා ඒ එළියට දැම්ම සියලූ දෙනාම ඇතුළට ගන්න. ඒ රස්සා ටික ස්ථිර කරන්න. අපි මහින්ද රාජපක්ෂ මහත්තයා රස්සා දුන් අය එළියට දැම්මේ නැහැ. ස්ථිර කළා.
ඇමැති ජොන්ස්ටන් ප්රනාන්දු මහතා:
විපක්ෂ නායකතුමා කියනවා රස්සා දුන්නා කියලා. නමුත් ජනාධිපති කොමිසමට ගිහින් මොනවද කිව්වේ. රාජ්ය නිලධාරීන් පාවා දුන්නා. නීත්යානුකූල නොවන රස්සා දීපු නිසා කොන්ද පණ තියාගෙන කොමිසම ඉදිරියට ගිහින් හරියට කෙළින් උත්තර දෙන්න බැරිවුණා. එහෙම විපක්ෂනායක කෙනෙක් තමුන්නාන්සේලා මේ රටේ තරුණයන්ව රැවටෙව්වා.
උදය ගම්මන්පිල මහතා:
රැකියා දශ ලක්ෂයකුත් දීලා මෙතුමලා ගෙදර යැවීම බරපතළ අසාධාරණයක්. නමක් ගමක් දන්නේ නැතත් මනුස්සයෙක් වගේ පොතේ පතේ ලියන්නේ නැතුවනේ රැකියා දශ ලක්ෂයම දීලා තියෙන්නේ. රැකියා දශ ලක්ෂය බෙදී ගිය ආකාරය දැනුම්දෙන්න.
කබීර් හෂීම් මහතා:
ජනාධිපති කාර්යාලය ඉදිරිපිට අදත් හාරපන්දාහක් උද්ඝෝෂණය කරනවා. විධිමත්ව තිබූ රැකියාවලින් ඒ අය දොට්ට දාලා අපි රැකියා දෙනවිට පක්ෂ පාට බැලූවේ නැහැ.
ඇමැති ජොන්ස්ටන් ප්රනාන්දු මහතා:
හාර පන්දාහක් එළියට දාලා නැහැ. කොන්ත්රාත් පදනම මත ගත් අයවත් හරියට බඳවාගෙන නැහැ. ඒ අය ගත්තේ ගෙවල් ගානේ කැන්වසින් යන්න. ඒ තමයි තිත්ත ඇත්ත.
රංගේ බණ්ඩාර මහතා:
ජනාධිපති ලේකම් කාර්යාලය ඉදිරිපිට වාඩිවී සිටින 7,500 තරුණ තරුණියන්ගේ අතර අනුරාධපුරයේ පොහොට්ටු මන්ත්රී කෙනෙක් අතින් පත්වීම් ගත්ත කෙනෙකුත් ඉන්නවා.
ඇමැති ජොන්ස්ටන් ප්රනාන්දු මහතා:
රැකියා දෙන්න පුරප්පාඩු තියෙන්න ඕනෑ. පුරප්පාඩු නැති නිසා තමයි කොන්ත්රාත් පදනමට ගත්තේ. මේ රජය අසාධාරණ වැඩ කරන රජයක් නොවෙයි.
මොරටුව කටුබැද්ද දෙමහල් ගොඩනැගිල්ලක ඉහළ මහලේ මවත්වාගෙන යන වෙළෙඳ සැලක ගින්නක් හටගෙන ඇති බව මොරටුව පොලිසිය පවසයි .
ආර්ථික ප්රශ්න හේතුවෙන් මවුපියන් බිළිඳු දරුවන් වෙනත් පුද්ගලයන්ට දරුකමට හදා ගැනීම සඳහා ලබාදීම වැඩිවී ඇතැයි වාර්තාවේ.
පාර්ලිමේන්තු ගොඩනැගිල්ලේ ඇතැම් ස්ථාන කඩිනමින් ප්රතිසංස්කරණය කළ යුතු යැයි හදුනාගෙන වාහාම ප්රතිසංස්කරණය කිරීමට ආණ්ඩුවේ සහ පාර්ලිමේන්තුවේ අවදානය
මිල පිළිබඳ ප්රශ්නයක් හේතුවෙන් ඉන්දියාවෙන් ලොකු ලූනූ ගෙන්වීමට බාධාවක් මතුව ඇතැයි වාර්තා වේ.
කැලෑ ගිනි තැබිමේන් පසු දළුලමින් පැවතින අලි මානා ඇතුළු විවිධ තෘණ වර්ග වල රස බැලිමට මේ දිනවල වල් අලි රංචු පිටින් ආණමඩුවේ ගම්මාන වලට කඩා වදිති.
මාරගම අපේක්ෂා රෝහලේද වැලිකඩ බන්ධනාගාරයේද අපොස සාමාන්ය පෙළ විභාග මධ්යස්ථාන දෙකක් පිහිටුවීමට පියවර ගෙන ඇතැයි විභාග කොමසාරිස් ජනරාල් අමිත් ජයසුන්දර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රැකියා දශ ලක්ෂයේ ව්යාපෘතිය කතාවට පමණයි - ජොන්ස්ටන්