මුළු රටේම කුඹුරු වගා කරන ප්‍රමාණය ප්‍රකාශයට පත් කරයි

(අංජුල මහික වීරරත්න)

2022/23 මහ කන්නයේ දී දිස්ත්‍රික්ක 25 ම කුඹුරු හෙක්ටෙයාර් 636,348ක වගා කටයුතු අරඹා ඇති බව ගොවිජන සංවර්ධන දෙපාර්තමේන්තුව පවසයි.

කෘෂිකර්ම අමාත්‍යාංශය ඉලක්ක කර ඇති වී වගා කිරීමට අපේක්ෂිත සමස්ත කුඹුරු ප්‍රමාණය හෙක්ටෙයාර් 851,043කි.

ඒ අනුව වපුරන ලද හෝ පැළ සිටුවන ලද කුඹුරු බිම් ප්‍රමාණය 435,842ක් වන අතර මූලික බිම් සකස් කර ඇති බිම් ප්‍රමාණය හෙක්ටෙයාර් 200,502ක් බව අමාත්‍යාංශය පවසයි.

මහවැලි, මහා වාරිමාර්ග හා සුලු වාරිමාර්ග මෙන්ම අහස් ජලයෙන් වගා කරන කුඹුරු සියයට 100ක් වගා කිරීම ඉලක්ක කර ගනිමින් මෙවර මහා කන්නයේ වී වගාව ආරම්භ කර තිබේ.

අදහස් (2)

මුළු රටේම කුඹුරු වගා කරන ප්‍රමාණය ප්‍රකාශයට පත් කරයි

ලසන්ත Thursday, 01 December 2022 05:21 PM

ISO සහතික සහිත බිත්තර වී වැපුරුවා තමයි නමුත් කොළ කූරු කූරු වගෙයි බිංඌරො කාල ගොඩක් ගොයම් මැරුණ ගොයම් කහපාට වෙනවා තෙල් බෙහෙත් යූරියා නැහැ බලන්න කෙනෙක් නැහැ පර්යේෂණ නිළධාරින් දකින්නට නැහැ

: 0 1

pakeer Thursday, 01 December 2022 09:26 PM

සංතෝෂයි, මෙන්න මෙහෙම බලමු තව මේව වැඩි කරන්න ක්‍රමවේදයන්. වැඩි වැඩියෙන්තාක්ෂණය භාවිත කරලා ගොවි මහතුන්ව දිරි ගන්නලා.

: 0 0