(අංජුල මහික වීරරත්න)

මැතිවරණ කොමිසමේ සභාපති හා අධ්‍යක්ෂ ජනරාල්වරයා නීතිඥ සංගමයේ සභාපති සාලිය පීරිස් මහතා හමුවී රහසිගතව සාකච්ඡා පැවැත්වීම පිළිබඳව වහාම පරීක්ෂණයක් පවත්වන්නැයි තමන් ජනාධිපතිවරයාගෙන් ඉල්ලා සිටින බව පාර්ලිමේන්තු මන්ත්‍රී සහන් ප්‍රදිප් විතාන මහතා පවසයි.

කොමිසමේ පැහැදිලි බෙදීමක් තිබියදී නිල නොවන මට්ටමින් සිදු වූයේ යැයි කියන මෙම හමුව පිළිබඳව විධිමත් පරීක්ෂණයක් සිදුවිය යුතු බව ද සහන් ප්‍රදීප් මහතා කීය.

මැතිවරණයක් පැවැත්වීම සම්බන්ධයෙන් කොමිසම උපදෙස් ලබාගත යුත්තේ නීතිපතිවරයාගෙන් පමණක් බවද  එලෙස තිබියදීත් නීතියට පරිබාහිර පුද්ගලයකුගෙන් අදහස් විමසීම මෙරට මැතිවරණ ක්‍රියාදාමය හෑල්ලුවට ලක් කිරීමක් බවද මන්ත්‍රීවරයා සඳහන් කළේය.