(ජයන්ත සමරකෝන්)
බූස්ස බන්ධනාගාරයේ රඳවා සිටින පාතාල හා මත්කුඩු අපරාධකරුවන් හා සමීප සබඳතා පවත්වා ඇති බවට සැකකරන නිලධාරීන් 15දෙනෙකු පිළිබඳව බුද්ධි අංශ මගින් තොරතුරු හෙළිකරගෙන ඇතැයි එම බන්ධනාගාර ආරංචි මාර්ග අනාවරණය කරයි.
සීසීටීවී කැමරා ඔස්සේ බුද්ධි අංශ නිලධාරීන් විසින් කරන ලද නිරීක්ෂණයට මෙම නිලධාරීන් පිළිබඳ තොරතුරු හෙළි වී ඇතැයිද පැවසේ.
මෙම නිලධාරීන් අතර ජේලර්වරුන් හා නියාමකවරුන් කිහිපදෙනෙකු සිටින බවද, දැනගන්නට තිබේ.
මීට පෙර හඳුනාගත් නියාමකවරයා පිළිබඳ වාර්තාවක් බන්ධනාගාර මූලස්ථානය වෙත යවා ඇති අතර මෙම නිලධාරීන් පිළිබඳව ද බන්ධනාගාර මූලස්ථානය වෙත වාර්තා කිරීමට නියමිතය.
මේ වනවිට දිවයිනේ දරුණු ගණයේ පාතාල අපරාධකරුවන් හා මත්කුඩු ජාවාරම්කරුවන් 131දෙනෙකු බූස්ස බන්ධනාගාරයේ විශේෂ තනි සිරකුටිවල රඳවා සිටිති.
COMMENTS
තවදුරටත් සොයා ගියොත් මේ අය අතරේ අපේ දේශපාලකයින් ඕනෑතරම් ඇති. දේශපාලකයින්ගේ සහභාගිත්වයෙන් තොරව මේ රටේ අපරාධ සිදුවන්නේ නැහැ. අතිගරු ජනාධිපතිතුමනි, තැබූ පියවර ආ පස්සට ගන්න එපා. මේ එකෙක්වත් එල්ලා මරන්න ඕනෑ නැහැ. ඔන්න ඔහොම තනි තනි කාමරවල දමලා ඉන්න දුන්නාම ඇති. ඔය අපරාධකරුවන් මැරෙන්න ඕනෑ විඳවලා... මේ අතර ලංකාවේ නිලධාරිවාදයත් ඉක්මණින්ම තුරන් කරන්න. නිලධාරි වාදය කියන්නේ, පාතාලයට වඩා දරුණු එකක්. මේ ලියන මම වසර 8කුත් මාස 6 ක් දුක් විඳිනවා.. නිලධාරින් මගේ රස්සාව අහිමි කරලා. මගේ උස අඩි 5 යි අගල් 3 යි. නමුත් මගේ රස්සාව සම්බන්ධයෙන් මම ලියපු ලිපිගොනුවල උස දැන් අඩි 6 කට වැඩියි. කරපු මහා පරිමාණයේ රාජ්ය දේපළ වංචාවක් සදහටම වසන් කරන්න තමයි මගේ රස්සාව නැති කලේ. ඒ නිසා නීතිය රජ කරවන්න. පාතාලය සහ කඩු ගැන පමණක් හිතන්න එපා. නිලධාරිවාදය ඊට වඩා අති භයානකයි. නිලධාරින් කරන වැරදි අසාධාරණ වැඩ නිසා පාතාලය බිහිවෙන්න පුලුවන්. නිලධාරින් මෙන්ම පොලිසිය කරන අසාධාරණ වැඩ නිසා පාතාලය බිහිවෙන්න පුලුවන්. මේ ගැන හොඳ සමීක්ෂණයක් කරන්න. මම අමුතුවෙන් කියන්න අවශ්ය නැහැ. ඔබතුමාට මේ ගැන හොඳ අවබෝධයක් තියෙනවා. වැඩේට අත ගහන්න.