(යොහාන් භාසුර)

පෞද්ගලික බස් රථවලට ඉන්ධන ලබාගැනීම සඳහා බැස්ටියන් මාවත බස් නැවතුම්පොළේ ඉන්ධන පිරවුම්හලේ ඉදිකිරීම් අද (15) පෙරවරුවේ අවසන් වෙමින් තිබුණි.

දුම්රිය ඉන්ධන ප්‍රවාහන ටැංකියක් ස්ථාපිත කර ඒ ආසන්නයේ ඉන්ධන පොම්පයක් සවිකර තිබේ.

වර්තමාන ඉන්ධන අර්බුදය හමුවේ බස් රථවලට ඉන්ධන ලබාගැනීමේ ගැටලුවක් මතුවී ඇති අතර ඒ පිළිබඳව අවධානය යොමු කර ප්‍රවාහන අමාත්‍ය බන්දුල ගුණවර්ධන මහතාගේ උපදෙස් අනුව මෙම ඉන්ධන පිරවුම්හල ස්ථාපිත කිරීමට පියවර ගත්තේය.

මෙම ඉන්ධන පිරවුම්හලට ඛනිජ තෙල් සංස්ථාවෙන් කෙළින්ම ඩීසල් ලබාදෙයි.  

(ඡායාරූපය: ගායාන් අමරසේකර)