බ්‍රසීලය තම රටේ නිෂ්පාදිත පළමු සබ්මැරීනය පිළිබඳ තොරතුරු අනාවරණය කර ඇත. 
 

ඔවුන් එය  රියචුලෝ යනුවෙන් නම් කර ඇත.  
 
නව සබ්මැරීනය ජාතික ආරක්ෂක මූලෝපායන් සඳහා එය නව උපකරණක් ලෙස භාවිතා කිරීමට අපේක්ෂා කරන බව නාවික අණදෙන නිලධාරී එඩුරාඩෝ බැසෙලර් පැවසුවේය.
 
මෙය නිෂ්පාදනය බ්‍රසීල රජයේ සංවර්ධන ව්‍යාපෘතියේ ප්‍රතිඵලයක් වන අතර එම ව්‍යාපෘතිය යටතේ සබ්මැරීන හතරක් නිෂ්පාදනය කිරීමට සැලසුම් කර ඇත.
 
ඉන් එක් සබ්මැරීනයක් න්‍යෂ්ඨික තාක්ෂණයෙන් බලගැන්වෙන අතර එය 2022 වර්ෂය වන විට නිෂ්පාදනය කර අවසන් කිරීමට නියමිතය. 
 
එසේම න්‍යෂ්ටික නොවන සබ්මැරීන ත්‍රිත්වයක් ඉදිකිරීමට දැනටමත් කටයුතු ආරම්භ කර ඇත.

රජය මෙම ව්‍යාපෘතිය සඳහා අමෙරිකානු ඩොලර් බිලියන 4.46 ක මුදලක් වැය කර ඇත.
 
මෙම නිෂ්පාදනය බ්‍රසීලයේ ආරක්ෂක උපායමාර්ගයක් ලෙස භාවිතා කර හැකි බවත් එය රටේ තාක්ෂණ වර්ධනය නිරූපණය කරන අවස්ථාවක් බවත් බ්‍රසීල ජනාධිපති මිචෙල් ටෙමර්  පැවසුවේය. 
 
මෙම සබ්මැරීනය රියචුලෝ  යන නමින් හදුන්වා ඇත්තේ 19 වැනි සියවසේ  පැරගුවේ යුද්ධයේදී  නාවික සටන සිහිකිරීමේ අරමුණිනි.

එම සටනට බ්‍රසීල නාවික හමුදාව සක්‍රීය දායකත්වය සපයා ඇත. 
 
 
(63226 )