(අංජුල මහික වීරරත්න)

බ්‍රසීලයේ ප්‍රජාතන්ත්‍රවාදයට සිදු වූ සතුරු ක්‍රියා හෙළා දකින බව ජනාධිපති රනිල් වික්‍රමසිංහ මහතා පවසයි.

බ්‍රසීලයේ මෑතදී ඇති වූ ප්‍රචණ්ඩත්වය ගැන දැඩි කනස්සල්ලට පත්ව සිටින බව පවසන ජනාධිපතිවරයා  ව්‍යවස්ථා විරෝධී ක්‍රම මගින් ප්‍රජාතන්ත්‍රවාදී ව්‍යුහයන් පෙරලා දැමීමේ මෙවැනිම උත්සාහයක්  ශ්‍රී ලංකාවද කලකට පෙර අත්දුටු බව සඳහන් කළේය. 

 බ්‍රසීල ප්‍රජාතන්ත්‍රවාදයට කරන එවැනි සතුරුකම් හෙලා දකින අතර බ්‍රසීල අර්බුදය හමුවේ ලංකාව බ්‍රසීලයේ ජනාධිපතිවරයා, රජය සහ ජනතාව සමඟ සහයෝගයෙන් සිටින බව පවසයි.

බ්‍රසීලයේ ප්‍රජාතන්ත්‍රවාදය සහ එහි ආයතන මෙන්ම  සියලු පුරවැසියන් ලෝකයේම ගෞරවයට පාත්‍ර වීම අත්‍යවශ්‍ය වන බවද ජනාධිපතිවරයා නිවෙිදනයක් නිකුත් කරමින් කියයි.