( දිනේෂ් උපේන්ද්ර)
ගිරිඋල්ල පොලිස් වසම තුළ රථවාහන අනතුරක් වෙනුවෙන් කුලියාපිටිය දිසා අධිකරණයේ පවරා තිබූ වන්දි නඩුවක් සඳහා අසත්ය ලෙස පැමිණිල්ල වෙනුවෙන් සාක්ෂියක් ලබාදීමට රුපියල් දසදහසක අල්ලසක් ලබාගත් උප පොලිස් පරීක්ෂකවරයකු අල්ලස් හා දූෂණ මර්ධන කාර්යාංශය මගින් අද(20) අත්අඩංගුවට ගෙන ඇතැයි පන්නල පොලිසිය කියයි.
එලෙසින් අත්අඩංගුවට ගැනුණේ ගිරිඋල්ල පොලිසියේ සේවය කරමින් සිට මේ වනවිට මරදාන කොළඹ ප්රදේශයේ පොලිසියක සේවය කරන උපපොලිස් පරීක්ෂක වරයෙකි.
සැකකාර උප පොලිස් පරීක්ෂකවරයා ගිරිඋල්ල පොලිසියට අනුයුක්තව සේවය කරමින් සිටියදී විමර්ශනය කළ රථවාහන අනතුරක් සම්බන්ධව කුලියාපිටිය දිසා අධිකරණයේ පවරා තිබෙන වන්දි නඩුවකට අදාළ සාක්ෂි ලබාදීමේදී එක් පාර්ශවයකට වාසි සහගත ලෙසින් සාක්ෂි ලබාදීමට රුපියල් දසදහසක මුදලක් ලබාගැනීමේදී අධිකරණ කලාපයේ මාර්ගයක් අසලදී අදාළ වැටලීම සිදුකොට තිබිණ.
සැකකාර පොලිස් නිළධාරියා කුලියාපිටිය මහේස්ත්රාත් වරයා හමුවට පැමිණවීමට නියමිතව ඇති බවද පොලිසිය පැවසීය.
අල්ලස් හා දූෂණ මර්ධන කාර්යාංශයෙන් වැටලීම සිදුකර තිබිණ.
COMMENTS
Reply To:
Sisira - cb chds hcdsh cdshcsdchdhd