බාබකියු උඳුනෙන් සීතල තැප්ප යුවළ මිය ගිහින්

මේ වගේ දෙයක් වුණු පළවෙනි පාර මෙය නොවේ. හුඟක් මිනිස්සුන්ගේ සාමාන්‍ය දැනීම නම් අන්තිමයි.

මොකද්ද මරණයට හේතුව...?

රත්වූ බාබෙකියු උඳුන කාමරයේ තබා නිදාගත්විට එයින් පිටවන විෂ වායුව දොරවල් වසා ඇතිවිට පිට නොවන නිසා ඒක ආශ්වාස මගින් මිනිස් සිරුරට ඇතුල්වී මරණය සිදුවෙනවා.

ජෙනරේටරයක් වැසූ ශාලාවක තබාගෙන නින්දට ගිය කිහිපදෙනෙක් නින්දෙන්ම මියගිය පුවතක් ටික කලකට කලින් ඇසුවා. මෙවැනි උඳුන්වලට යොදා ගන්නා අඟුරු දහනය වනවිට කාමරයේ ඔක්සිජන් අවම වී කාබන්ඩයොක්සයිඩ් සහ කාබන් මොනොක්සයිඩ් වැනි විෂ වායුව ඇතිවන බව 6 වසර දරුවන් පවා දන්නවා. රටේ ප්‍රධාන මාධ්‍යවල ග්‍රහචාරයට වෙන් කරන කාලය සාමාන්‍ය මිනිසුන්ට මෙවැනි සරල දේවල් වලට හේතුව විද්‍යාත්මකව පැහැදිලි කර දීමට යොදා ගන්නේ නම් මෙවැනි කණගාටු දායක සිදුවීම් යලියලිත් අසන්නට නොලැබෙනු ඇත.

මම දවසක් ප්‍රධාන මාර්ගයක් අසල කලුපාටවූ සාමාන්‍ය ගොඩනැගිල්ලක් ළඟ හිටියා කෙනෙක් හමුවෙන්න හිතාගෙන.. ඉතින් ටික වේලාවකින් මෙම ගොඩනැගිල්ල විවෘත කළා. ඉන්පස්සෙ අධික දුමක් පිටවුණා. ඉන් පිටවූ වාතය නිසා මට එතැන ඉන්න බැරිවුණා. බැලුවාම එතැන මස් පුළුස්සන තැනක්. මිනිසාගේ යුග අනුව බලනවිට අපි නැවතත් ගල් යුගයේ ජීවත්වන පිරිසක් වෙලාද කියලා හිතෙනවා. වැද්දොත් මස් කෑමෙන් වැළකීමට උත්සාහ ගන්නා මේ කාලයේ නාගරික මිනිස්සු මෙහෙම වුණාම අපිට පේන්නේ එම අයගේ නූගත්කමයි. ඇත්තටම වලපයයි, ගොඩපයයි තියාගෙන මස් පුච්චාකමින් මේ හදන්නේ කොතැනකට යන්නද? සබ්බේ තසන්ති දණ්ඩස්ස...!!!

CO2/ CO විෂවීම මෙන් පෙනේ, සංවෘත අවකාශයන්හි දුම විමෝචනය කරන ප්‍රභවයන් කිසි විටෙක භාවිතා නොකරන්න...

වාහනවල සයිලන්සර් පද්ධතියේ කාන්දු ඇතිවිට වායුසමනය ක්‍රියාකිරීමත් අනතුරුදායකයි. මේ ආකාරයටම කාබන් මොනොක්සයිඩ් කියන වායුව ආශ්වාස වෙන්න පුළුවන්. මෙය රුධිරයේ ඇති හිමෝග්ලොබින් එක්ක ප්‍රතික්‍රියා කරලා පෙනහළුවලට ඔක්සිජන් සැපයුම අඩුකරනවා. ඒක නිසයි මේ වගේ මරණ සිද්ද වෙන්නේ...