(කේ බුද්ධික කුමාරසිරි)

මහරගම පතිරගොඩ පාර ප්‍රදේශයේ මාර්ග වල සිටින වීදි සුනඛයින්ට පොලු මුගුරු වලින් අමානුෂික ලෙස පහර දීම සහ යතුරුපැදියකින් යට කිරීමට තැත් කර සත්ව හිංසාව සිදු කිරීමේ චෝදනාව මත  බැංකු විධායක නිලධාරිනියක අත් අඩංගුවට ගත් බව මහරගම පොලිසිය පවසයි

ප්‍රදේශවාසීන්ගෙන් ලද පැමිණිලි මත සිදුකල විමර්ශණයකින් අනතුරුව මෙම කාන්තාව අත් අඩංගුවට ගෙන පොලිස් ඇප මත මුදාහැරීමට කටයුතු කල බවද පොලිසිය පවසයි

සැකකාර කාන්තාව ඉකුත් වෙසක් පොහොය දින රාත්‍රී සහ අළුයම් කාලයේදී එම ප්‍රදේශයේ සිටි වීදි සුනඛයින්ට පහර දීම් සිදුකල ආකාරය සහ යතුරුපැදියකින් යට කිරීමට උත්සහා කරන ආකාරය ආරක්ෂිත කැමරාවල සටහන්ව තිබූ බවද පොලිසිය පවසයි.

මෙලෙස අත් අඩංගුවට ගෙන ඇත්තේ මහරගම පතිරගොඩ පාර පදිංචිව සිටි විශ්ව විද්‍යාල උපාධිධාරිණියක වන රජයේ බැංකුවක විධායක ශ්‍රේණියේ රැකියාවක නිතර කාන්තාවක බවද පොලිසිය පවසයි.