(ඉන්දිකා  රාමනායක)

වරකාපොළ  නගරයේ  කොළඹ නුවර මාර්ගයේ වාහන හසුරවමින් සිටි රථ වාහන පොලිස් කොස්තාපල්වරුන් දෙදෙනෙකුට පහරදී තුවාල කිරීමේ සිද්ධියක් සම්බන්ධයෙන්  යුද හමුදා හිටපු මේජර්වරයෙකු සහ නාවික හමුදා විශ්‍රාමිකයින් දෙදෙනෙකු ඇතුළු සිව් දෙනකු අත්අඩංගුවට ගත් බව වරකාපොළ පොලිසිය පවසයි.

කොළඹ නුවර මාර්ගයේ කාපට් ඇතිරීම වෙනුවෙන්   වරකාපොළ  නගරයේ එක් තීරුවක් වසා දමා ඇති අතර  , සැකකරුවන් පිරිස ඊයේ (12) සවස  වැරදි දිසාවෙන් බස් රථයක් ඉදිරියට  ධාවනය කරමින් සිටියදී පොලිස් නිලධාරීන් දෙදෙනා එම බස් රථය මාර්ගයෙන් ඉවත් කර ඇත.

එහිදී දෙපිරිස අතර බහින්බස්වීම  සිදුව ඇති අතර  සැකකරුවන් බස් රථයෙන් බැසවිත් පොලිස් නිලධාරීන් දෙදෙනාට පහර දී ඇති බවද පොලිසිය පවසයි.

සිද්ධිය සැලවීමත් සමගම වරකපොළ පොලිසියේ කණ්ඩායමක් එම ස්ථානයට ගොස් සැකකරුවන් සිව් දෙනා අත්අඩංගුවට ගෙන ඇත.