(සුමිත් පොතුපිටිය,ගයාන් සූරියආරචචි සහ බිමල් ශ්‍යාමන් ජයසිංහ)

මත්කුඩු ජාවාරම්කරුවන් දෙපිරිසක් අතර පවතින ආරවුලක් හේතුවෙන් පානදුර මාලමුල්ල ප්‍රදේශයේ නිවසකට එල්ලවූ වෙඩි ප්‍රහාරයකින් පුද්ගලයකු තුවාල ලබා ඇති බව හිරන පොලිසිය පවසයි.

මෙහිදී තුවාල ලබාඇත්තේ මාලමුල්ල , මංඩාවල පාර ප්‍රදේශයේ පදිංචි  32 හැවිරිදි එක්දරු පියකු බව පොලිසිය කීය.

අලුයම 2.30ට පමණ  වෙඩි ප්‍රාරයට ලක් වු එක්දරු පියා  නිවසේ ඉදිරිපස කාමරයක් තුළ නිදා සිටියදී වෙඩි ප්‍රහාරය එල්ලවී තිබේ.

පානදුර කොට්ඨාස අපරාධ ස්ථාන පරීක්ෂණ නිලධාරීන් සහ විශේෂ කාර්ය බළකා නිලධාරීන් පරීක්ෂණ පවත්වති.

වෙඩි ප්‍රහාරයට එල්ල වූ පුද්ගලයා පානදුර මූලික රෝහලේ ප්‍රතිකාර ලබයි.