(බිමල් ශ්‍යාමන් ජයසිංහ )

පාර්ලිමේන්තු මන්ත්‍රී මොහොමඩ් මුසම්බිල් මහතාගේ ආරක්ෂක රාජකාරී සිදු කරන ඇමති ආරක්ෂක කොට්ඨාසයට අයත් පොලිස් සැරයන්වරයාට පිටකොටුව ඕල්කට් මාවතේ   බස් නැවතුමේ කම්බි වැටක් අසලට නින්ද ගිය අතරවාරයේදී   පිස්තෝල අවිය ,ජීව උණ්ඩ ඇතුළු සෙසු උපකරණ තොගය  සමඟ ගමන්මල්ල සොරා ගත් පුද්ගලයා  අත්අඩංගුවට ගත් බව කිරුළපන පොලිසිය කියයි .

සැකකරු සමග පිස්තෝල අවිය , එයට යොදන ජිව උන්ඩ 24  , මැගසින් 2 ක් ,අවි රඳවනයක් ,මැගසින් රඳවනයක් , පොලිස් ක්‍රීඩා ඇඳුම් කට්ටලයක් ඇමති ආරක්ෂක ඇඳුම , ඇමති ආරක්ෂක නිල හැදුනුම්පත හා  සටහන් පොත  , පොලිස් සැරයන්   වරයාට අයත් ඇඳුම් කීපයක්ද සැකකරු භාරයේ තිබී පොලිසිය මගින් සොයාගෙන ඇත.

යුක්තිය මෙහෙයුමේ යෙදී සිටියදී කිරුලපන  ප්‍රදේශයේදී  සැකකටයුතු පුද්ගලයකු සතුව තිබූ ගමන් මල්ල පරික්ෂා කිරීමේදී සැරයන්වරයාට අයත් භාණ්ඩ හමු වූ බව පොලිසිය කියයි.