(ගයාන් සූරියආරච්චි)

නිවිතිගල, දෑල ප්‍රදේශයේ දේශපාලන පක්ෂ ආධාරකාරිනියකගේ නිවෙසට ඇතුළු වූ නාදුනන පුද්ගලයන් 6 දෙනකු නිවෙසේ තිබූ ඡන්ද කාඩ් පත් 3 ක් බලෙන් රැගෙන ගොස් ඇති බව නිවිතිගල පොලිසිය පවසයි.

පැමිණිලිකාරිය නිවිතිගල, ඉන්දොළ දුම්මලවත්ත, දෑල ප්‍රදේශයේ පාළු රබර්වත්තක  පිහිටි නිවෙසක ජීවත්වන බව පොලිසිය පවසයි.

පැමිණිලිකාරිය කුලී වැඩ කරමින් ජීවත්වන කාන්තාවක වන අතර ඇය එක්තරා දේශපාලන පක්ෂයක ආධාරකාරිනියක බව පවසයි.

පැමිණිලිකාරියගේ නිවෙස ආසන්නයේ ගෙවල් පිහිටා නොමැති අතර එම නිවෙසට යාම සදහා පාරක් ද නොමැති අතර කිලෝමීටර 2 ක් පමණ දුර ගෙවා නිවෙසට යා යුතු බව පොලිසිය පවසයි.

සිද්ධිය සම්බන්ධයෙන්  සී.සී.ටී.වී දර්ශන පරීක්ෂා කළ ද කිසිදු හෝඩුවාවක් සොයාගැනීමට නොහැකි වූ බව පොලිසිය පවසයි.