(අංජුල මහික වීරරත්න)

ශ්‍රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතාගේ  එක්සත් රාජධානියේ ඔක්ස්ෆර්ඩ් (Oxford Union) සහ කේම්බ්‍රිජ් (Cambridge Union) ශිෂ්‍ය සංගම් ඇමතීමේ දෙසුම එංගලන්තයේ වෙසෙන එල්.ටී.ටී.ඊ හිතවාදී ඩයස්‌පෝරාවේ විරෝධයක් නිසා අවලංගු කර ඇතැයි රාජපක්ෂ මහතාගේ  මාධ්‍ය අංශය පවසයි.

පෙබරවාරි අග සතියේ නාමල් රාජපක්ෂ මහතාගේ එම දෙසුම පැවැත්වීමට නියමිතව තිබිණි.ඊට එරෙහිව බ්‍රිතාන්‍ය පුරා වෙසෙන එල්.ටී.ටී.ඊ  හිතවාදීන්  ඒකාබද්ධව දැඩි විරෝධයක් ප්‍රකාශ කර ඇතැයි මාධ්‍ය අංශය කියයි.

එක්සත් රාජධානියේ දෙමළ ශිෂ්‍ය සංගම් සහ බ්‍රිතාන්‍ය දෙමළ තරුණ සංවිධානය (TYO UK) එක්ව නිකුත් කළ නිවේදනයකින්  නාමල් රාජපක්ෂ මහතාට  ලබාදී ඇති මෙම අවස්ථාව වහාම අවලංගු කරන ලෙස දැනුම් දී තිබෙන්නේ යැයිද මාධ්‍ය අංශය සඳහන් කරයි.