(ආරියරත්න රණබාහු)
ශ්රී ලංකා නිදහස් පක්ෂයේ හදිසි දේශපාලන මණ්ඩල රැස්වීම කැඳවන ලෙස ඉල්ලා පක්ෂයේ ජ්යෙෂ්ඨ උපසභාපති අමාත්ය නිමල් සිරිපාල ද සිල්වා මහතා වැඩ බලන මහලේකම් පාර්ලිමේන්තු මන්ත්රී දුෂ්මන්ත මිත්රපාල මහතා වෙත ලිපියක් යවා තිබේ.
අමාත්යවරයා එහි සඳහන් කර ඇති කරුණු අතර අධිකරණ වාරණයක් හේතුවෙන් පක්ෂයේ සභාපතිවරයාට එම ධුරයේ කටයුතු කිරීමට නොහැකි හෙයින් පක්ෂයේ කටයුතු අඛණ්ඩව ඉදිරියට ගෙන යෑම සඳහා විධිවිධාන සැලසීමේ හදිසි අවශ්යතාවයක් මතුවී ඇති බව සඳහන් කර ඇත.
ඒ හේතුවෙන් ලබන සඳුදා (08) වැනිදා පෙරවරු 10ට එම රැස්විම කැදවන ලෙස හෙතෙම කියා ඇත.
එම රැස්වීමට හිටපු ජනාධිපති මෛත්රී පාල සිරිසේන පාර්ලිමේන්තු මන්ත්රීවරුන් වන දයාසිරි ජයසේකර, ෂාන් විජේලාල්ද සිල්වා යන අය හැර සෙසු දේශපාලන මණ්ඩල සාමාජිකයින් ඊට කැඳවන ලෙසද එම ලිපියේ සඳහන් කර තිබේ.
නිමල් සිරිපාල මහතාගේ ලිපියට පිළිතුරු ලෙස ශ්රී ලංකා නිදහස් පක්ෂයේ පක්ෂ ව්යවස්ථාව රැකීමට තමා නීතියෙන් බැඳී සිටින බැවින් ඊට පටහැනිව ක්රියා කිරීමට නොහැකි බවත් ඒ අනුව කැඳවීමට ඉල්ලා සිටි රැස්වීම පැවත්ව්මට නොහැකි බවත්එම පක්ෂයේ වැඩ බලන මහලේකම් පාර්ලිමේන්තු මන්ත්රී නීතිඥ සාර්ථී දුෂ්මන්ත මහතා අමාත්ය නිමල් සිරිපාලද සිල්වා මහතාට ලිපියක් යවමින් දන්වා තිබේ.
අධිකරණයෙන් නිකුත් කරන ලද වාරණ නියෝගය තමන්ට මෙතෙක් නොලැබී ඇති හෙයින් එම නියෝගය ඇතුළත් කරුණු නොදැන මේ අවස්ථාවේ කටයුතු කිරීමට නීතිමය බලයක් නැති බවද වැඩ බලන මහලේකම්වරයා අමාත්යවරයාට යවා ඇති ලිපියේ වැඩිදුරටත් සඳහන්වේ.
ශ්රී ලංකා නිදහස් පක්ෂය 2018 (සංශෝධිත) ව්යවස්ථාවේ 16වගන්තිය අනුව ක්රියා කිරීමට තමා නෛතික ව බැඳි සිටින බවද එම ලිපියේ සඳහන් කර ඇත.
විදෙස් රටවලට ශාක කොටස් සහ ශාක ආශ්රිත නිශ්පාදන යැවීමේ දී අවශ්ය කරන නිරෝධායන සහතික නිකුත් කරන මධ්යස්ථානයක් ගාල්ලේ දී විවෘත කෙරිණි.
චීන ජනාධිපති ෂී ජින්පින් යුරෝපා සංචාරයක් ආරම්භ කරමින්, ප්රංශයේ පැරිස් අගනුවර බලා පැමිණියේය. චීන ජනාධිපතිවරයා මෙසේ යුරෝපා සංචාරයක් ආරම්භ කළේ වසර පහක
ගාසා යුද්ධය අවසන් වනතෙක් අල් ජසීරා පුවත් සේවයේ ඊශ්රායල විකාශන කටයුතු සහ මෙහෙයුම් අත් හිටුවීමට එරට රජය තීරණය කර ඇති බව විදෙස් මාධ්ය වාර්තා කළේය.
විදුලිය බල මණ්ඩලය පසුගිය මාස තුනේදී රුපියල් කෝටි 8200ක ලාභයක් උපයා ඇති හෙයින් විදුලිය බිල තවත් සියයට 20කින් පමණ අඩු කරන ලෙස ආර්ථික අර්බුදයේ බලපෑම සමනය කිර
රජයේ විධායක ශ්රේණියේ නිලධාරීන් දෙසීයකට වැඩි පිරිසක් කලකට පෙර තමන්ට රජයෙන් ලබාදී තිබූ තීරු බදු රහිත වාහන බලපත්රය ආර්ථික දුෂ්කරතා හේතුවෙන් රුපියල
දේශීය බිත්තර මිල අඛණ්ඩව ඉහළ යාම පිළිබඳ අවධානය යොමු කරමින් බිත්තර ආනයනය කිරීමට අනුමැතිය දුන් බව කෘෂිකර්ම අමාත්ය මහින්ද අමරවීර මහතා පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නිමල්ගේ ඉල්ලීමට දුෂ්මන්තගෙන් පිළිතුරු
sirisena Friday, 05 April 2024 09:05 PM
රට දියුණු කිරීමට බාල මහලු සැමදෙනාම තරගයට පොරකති...
Prabha Friday, 05 April 2024 09:41 PM
නින්දෙන් ඇහැරෙනකොට පෙරහැර ගිහින් ඉවරයි...
de silva Saturday, 06 April 2024 08:53 AM
ඔය නායකයෝ සියලුදෙනාම විශ්රාම ගිහින් පහුගිය කලේ හම්බු කරගත්තු ප්රකෝටිපති ධනස්කන්ධය සැප විඳලා ජීවත්වෙන්නේ නැතුව ඇන කොටගන්නා එකේ තේරුමක් නැහැ... ඉදිරි අවුරුදු 10ට ඔය පුටු, අත්, පොහොට්ටු පක්ෂවලට ඡන්දේ දීලා අමාරුවේ වැටෙන්න ඡන්ද දායකයෝ බහුතරයක් කැමැති නැහැ... දැන්ම විශ්රාම ගිහින් සීන් එකෙන් ඉවත්වුණොත් මිනිස්සුන්ට ඔයාලා කරපු කියපු දේවල් සහ ඔයාලාවත් අමතක වේවි.. එහෙම නැතුව දිගින් දිගට අවසානය දක්වාම වේදිකාවේ නටන්ට පිස්සු කෙළ කෙළ හිටියොත් අරගලකයක් වැනි ප්රශ්නයක් අවොත් ගුටි කන්න සහ දේපල විනාශ කරගන්න වේවි... එහෙම නැතිනම් අලුත් ආණ්ඩුවෙන් පසු හිරේයන්න වේවි...! හොඳම උදාහරණය සජින් වාස්, දැන් කවුරුවත් ඔහු ගැන කතා කරන්නේ නැහැ.. හොඳට හම්බු කරගෙන මාරුවෙලා ගිහින් සැපවත් ජීවිතයක් ගතකරනවා..