(මනෝප්‍රිය ගුණසේකර)

ධීවරයින් තිදෙනෙකු ඝාතනය කර ධීවර යාත්‍රාවක් පැහැරගැනීමේ චෝදනනාවන්ට වරදකරුවන් වු ධීවරයින් හත්දෙනෙකුට කොළඹ මහාධිකරණ විනිසුරු ආදිත්‍ය පටබැඳිගේ මහතා මරණ දඬුවම නියම කළේය.

තවත් අධිචෝදනා 6කට වරදකරුවන් කළ විත්තිකරවන්ට බරපතළ වැඩ සහිත වසර 29ක සිරදඬුවම්ද රුපියල් මිලියන 2ක බැගින් වූ දඩද ගෙවීමට ද නියම කළ විනිසුරුවරයා එම සිරදඬුවම් එකවර ගෙවී යන අන්දමට ක්‍රියාත්මක කිරීමටද නියම කළේය.

2012 ඔක්තෙතා්ම්බර් 15 වැනිදා හෝ ඊට ආසන්න දිනයක නීතිවිරෝධී ලෙස ශ්‍රී ලංකා මුහුදු තීරයේ ධීවර රැකියාවක නිරත වූ පුද්ගලයින් රැගත් ‘තේජාන්‘ නැමති ධීවර යාත්‍රාව පැහැරගෙන එහි සිටි ධීවරයින් තිදෙනෙකු ඝාතනය කර තවත් ධීවරයින් දෙදෙනකුට බරපතළ තුවාල කර මුහුදට දමා බෝට්ටුව පැහැරගෙන ඕස්ටේ්‍රලියාවට යෑම ඇතුළු චෝදනා යටතේ විත්තිකරුවන්ට එරෙහිව නීතීපතිවරයා නඩු පවරා තිබිණී.

විත්තිකරුවන් 11 දෙනෙකුට එරෙහිව නීතිපතිවරයා මෙම නඩුව පවරා තිබු අතර නඩු විභාගය අතරතුර විත්තිකරුවන් තිදෙනෙකු මියයෑම නිසා ඔවුන් නොමැතිව විත්තිකරුවන් 08 දෙනෙකුට එරෙහිව නඩුව විභාග කළ අතර නඩු විභායෙදී ඉන් විත්තිකරුවන් 07 දෙනෙකුට එරෙහි චෝදනා පැමිණීල්ල විසින් සාධරණ සැකයකින් තොරව ඔප්පු කර ඇතැයි තීරණය කරමින් ඔවුන් වරදකරුවන් කළ අතර නඩුවේ 10 වැනි විත්තිකාරියට එරෙහි චෝදනා පැමිණීල්ල විසින් සාධරණ සැකයකින් තොරව ඔප්පු කර නැතැයි තීරණය කරමින් ඇය නිදොස් කර නිදහස් කළාය.