(සුගතපාල දියගහගේ)

කරාපිටිය රෝහලේ කණිෂ්ඨ කාර්ය මණ්ඩලයේ සේවකයකුට සහ සේවිකාවකට පහරදිමේ සිද්ධිය සම්බන්ධයෙන් රිමාන්ඩ් කර සිටි කරාපිටිය රෝහලේ පිළිකා වාට්ටුව භාර විශේෂඥ වෛද්‍ය ක්‍රිශාන්ත පෙරේරා මහතා රුපියල් මිලියනය බැගින්වු ශරිර ඇප දෙකක් මත මුදා හැරිමට ගාල්ල ප්‍රධාන මහේස්ත්‍රාත් ඉසුරු නෙත්තිකුමාර මහතා අද (22) නියෝග කළේය.

කරාපිටිය රෝහලේ බන්ධනාගාර නිලධාරින්ගේ ආරක්ෂාව යටතේ සිටි වෛද්‍යවරයා හෙදියන් දෙදෙනකු වෙද්‍යවරයකුද සමග ගිලන් රියකින් අධිකරණය වෙත පැමිණියේය.

නඩුව කැඳවු අවස්ථාවේ දෙපර්ශවයම අධිකරණයට දැනුම් දුන්නේ මෙම සිද්ධිය සමථවිමට කැමති බවය.

ඒ අනුව රාජකාරියට බාධා කිරිමේ චෝදනාව හැර අනෙක් චෝදනා සමථමණ්ඩලයට යොමු කිරිමට නියෝග කළ මහේස්ත්‍රාත්වරයා සැකකාර වෙද්‍යවරයාට ඇප නියම කරමින් කියා සිටියේ මින්පසු වෘත්තිය සමිති අයිති වාසිකම් යටතේ සිදු කරන ක්‍රියාකාරකම්වලට බලපැම් නොකරණ ලෙසටද අවවාද කළේය.

වර්ජනය කිරිම වාත්තිය අයිතිවාසිකමක් බවත් එය වෛද්‍යවරුන්ට මෙන්ම සුලු සේවකයන්ටද අයිති බවත් මහේස්ත්‍රාත්වරයා කියා සිටියේය.