IMG-LOGO

2025 දෙසැම්බර් මස 21 වන ඉරිදා


දෑස් නොපෙනුනත් ශිෂ්‍යත්වයෙන් වැඩ දමයි

(චමින්ද වැවතැන්න)

විශේෂ අවශ්‍යතා ඇති දරුවන් අධ්‍යාපනය හදාරන කෑගල්ල අඹන්පිටිය විශේෂ මහා විද්‍යාලයේ දෑස් දෙකම නොපෙන ශිෂ්‍යයකු බ්‍රේල් ක්‍රමයට විභාගයට පෙනී සිට මෙවර ශිෂ්‍යත්ව විභාගයෙන් ලකුණු 168 ක් ලබාගෙන ඇත.

කෑගල්ල, නාගොල්ලේ අංක 167/29 ලිපිනයේ පදිංචිව සිටින ඩබ්ලිව්.ඩී. චානුක දේවින්ද කුමාර ශිෂ්‍යයා මෙලෙස ලකුණු 168ක් ලබාගෙන ඇත.

චානුක දේවින්දගේ පියා රංජිත්ය. ඔහු ත්‍රිරෝද රථ රියදුරෙකි. මව ඒ.එල්.ඒ. චාන්දනී නිල්මිණීය. ඇය ගෘහණියකි. චානුකට වැඩිමහල් සහෝදරියක් සහ සහෝදරයෙක් ද සිටිති.

සහෝදරිය කෑගලු‍ බාලිකා විද්‍යාලයෙන් උසස් පෙළ විභාගය සමත් වී ඇති අතර සහෝදරයා ද පෞද්ගලික ආයතනයක රැකියාවක් කරයි.

මෙම දරුවා උපත ලබා මසක පමණ කාලයක් ගත වූ අවස්ථාවේ දී දරුවාට ඇස් රෝගයක් සෑදී කෑගල්ල මහ රෝහලටත් පසුව කොළඹ ජාතික රෝහලටත් රිජ්වේ ආර්යා ළමා රෝහලටත් ඇතුළත් කර ඇත. වෛද්‍යවරුන් මවුපියන්ට කියා ඇත්තේ ඇස්වල පිලිකාවක් සෑදී ඇති බවය. පසුව මහරගම අපේක්ෂා රෝහලෙන් ප්‍රතිකාර ලබා දුන්න ද සුව නොවුණු බව චානුකගේ මව පැවසුවාය.

පාසල් යන අවදිය එළැඹීමත් සමග දරුවා කෑගල්ල ප්‍රදේශයේ පාසලකට ඇතුළත් කළ බවත් දෙවැනි පන්තියේ දී තමන් බලහත්කාරයෙන් දරුවා එම පාසලෙන් අයින් කර විශේෂ අවශ්‍යතා ඇති දරුවන්ට ඇති කෑගල්ල අඹන්පිටිය විශේෂ මහා විද්‍යාලයට ඇතුළත් කළ බවත් මව පැවසුවාය.

⁣චානුක දේවින්ද කුමාර ශිෂ්‍යයා සිය ජයග්‍රහණය පිළිබඳව මෙසේ ද පැවසීය.

මගේ අම්මා මේ පාසල දැනගෙන මේ පාසලට එක් කරගෙන ආවා. ඒ ආවාට පස්සේ විදුහල්පති බුද්ධික ස⁣ර් මාව පිළිගෙන එක දෙක පංති භාර මල්කාන්ති ටීචර්ට බාර දුන්නා. පස්සේ තුන හතර පන්තිවලදී සිරිල් සර් මට ඉගැන්නුවා. සිරිල් සර්ට වරකාපොළ ඉඳලා පාසලට එන්න අපහසු නිසා මාරුවක් අරගෙන ගියා. පස්සේ තුෂාරි ටීචර් මට හොඳට ඉගැන්නුවා. මට හැමදාම දෙන වැඩ හොඳට කළා. ගෙදර ගිහිල්ලා අම්මා තාත්තා සමග අධ්‍යාපන වැඩ කටයුතු සිදු කළා. මට ලකුණු 120 ක් විතර ඇති කියලා තමයි මම මුලදී හිතාගෙන හිටියේ. මට ලකුණු 168 ක් ලැබිලා තියෙනවා. මට දැන් ගොඩක් සතුටුයි. මට මේ තැනට එන්න උගන්වපු විදුහල්පතිතුමා, ගුරු මහත්ම මහත්මීන්ට, මවුපියන්ට ස්තුති වන්ත වෙනවා. අනාගතයේදී ගුරුවරයෙක් වෙලා මම වගේ ඉන්න දරුවන්ට උගන්වන්න ලොකු බලාපොරොත්තුවකින් සිටිනවා යැයි චානුක ශිෂ්‍යයා පැවසීය.

 



අදහස් (3)

දෑස් නොපෙනුනත් ශිෂ්‍යත්වයෙන් වැඩ දමයි

sharm warn Friday, 27 January 2023 10:24 AM

පුතෙ ඔයා හැබෑ හපනෙක්.. ඔයාට ගොඩක් හොඳ ගමනක් ප්‍රාර්ථනා කරනව.. අම්මෙ ඔයා ගත්ත තීරණය හරි.. ඔයා හරිම උසස් කාන්තාවක්. .

:       0       1

Ruhunu Friday, 27 January 2023 01:23 PM

දරුවන්ටත්, දරුවන්ට උදව් කරපු ගුරුවරුන්ටත් දෙමව්පියන්ටත් බුදුසරණයි.

:       0       1

chandana Friday, 27 January 2023 05:11 PM

බුදු සරණයි පුතේ, ඔයාගේ හැම බලාපොරොත්තුවක්ම එලෙසින්ම සාර්ථක වේවා...!

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

ඩයලොග්, සිය පාරිභෝගිකයින් ලක්ෂ 15 කට අධික පිරිසක් හා යා වෙමින් ශ්‍රී ලංකාවේ විශාලතම 5G ජාලය දියත් කරයි 2025 දෙසැම්බර් මස 18 274 0
ඩයලොග්, සිය පාරිභෝගිකයින් ලක්ෂ 15 කට අධික පිරිසක් හා යා වෙමින් ශ්‍රී ලංකාවේ විශාලතම 5G ජාලය දියත් කරයි

ශ්‍රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා

සියපත ෆිනෑන්ස් පීඑල්සී 60 වැනි ශාඛාව වරකාපොළ නගරයට 2025 දෙසැම්බර් මස 16 184 0
සියපත ෆිනෑන්ස් පීඑල්සී 60 වැනි ශාඛාව වරකාපොළ නගරයට

සියපත ෆිනෑන්ස් පීඑල්සී සිය දීපව්‍යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්‍රික්කයට අයත් වරකාපොළ නගරයේ විවෘත කොට ඇත.

ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි 2025 දෙසැම්බර් මස 04 991 2
ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි

’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්

Our Group Site