(සුජිත් හේවාජුලිගේ සහ  අංජුල මහික වීරරත්න)

දේශීය ආදායම්( සංශෝධන)පනත් කෙටුම්පත  ආණ්ඩුක්‍රම ව්‍යවස්ථාවට අනුකූල බව ශ්‍රේෂ්ඨාධිකරණය දැනුම්දී ඇතැයි කතානායක මහින්ද යාපා අබේවර්ධන මහතා පාර්ලිමේන්තුවේ දී අද (5)  පැවසීය.

ඒ අනුව, මෙම පනත් කෙටුම්පත සරල බහුතරයකින් නීත්‍යනුකූල ලෙස සම්මත කළ හැකි බවද  ශ්‍රේෂ්ඨාධිකරණය දන්වා ඇතැයි කතානායකවරයා  කීවේය.

මෙම පනත් කෙටුම්පත  ආණ්ඩුක්‍රම ව්‍යවස්ථාවේ 121(1) වන ව්‍යවස්ථාව යටතේ  ශ්‍රේෂ්ඨාධිකරණය හමුවේ අභියෝගයට ලක් කෙරිණ.

ශ්‍රේෂ්ඨාධිකරණ තීරණය අනුව  පනත් කෙටුම්පත හෝ එහි විධිවිධාන කිසිවක් ආණ්ඩුක්‍රම ව්‍යවස්ථාවේ 12 ව්‍යවස්ථාව හෝ ආණ්ඩුක්‍රම ව්‍යවස්ථාවේ අන් කිසිදු විධිවිධානයකට අනනුකූල නොවන බවට ශ්‍රේෂ්ඨාධිකරණය තීරණය කර ඇතැයි කතානායකවරයා වැඩිදුරටත් පැවසීය.