බිඟුන් මේනක ගමගේ
දුම්රියේ ගැටී අලි ඇතුන් මරණයට පත්වීම වැළැක්වීම සඳහා ගත යුතු නිර්දේශ පහක් ඇතුළත් විමර්ශන වාර්තාවක් සකස් කිරීමට ප්රවාහන අමාත්යංශය කටයුතු කර ඇත.
දුම්රිය රියැදුරන්ට මාර්ගය පැහැදිලිව පෙනීමට මාර්ගය දෙපස මීටර් 30 ක් දක්වා ලඳු කැලෑ එලිකිරීම, වේග සීමා නියමිත පරිදි ක්රියාත්මක කිරීම, මාර්ගය දෙපස කඳුගැට සහිත ස්ථානවලදී අලි ඇතුන්ට මාරුවීමට උඩින් මාර්ග (ඕවර් පාස්) සකස් කිරීම, දුම්රිය පාලම් සහ බෝක්කු සහිත ස්ථානවලින් අලි ඇතුන්ට මාරුවීම සඳහා දැනට තිබෙන බාධා ඉවත් කර මාර්ග(අන්ඩර් පාස්) ඉදිකිරීම හා දුම්රිය මාර්ගයට අලි ඇතුන් ඇතුල්වන ස්ථාන සඳහා විදුලි වැටි, රේල් පීලි යොදා බාධා යොදමින් පූර්ව අනතුරු ඇඟවීමේ සංඥා පද්ධති සකස් කිරීම එම නිර්දේශ වේ.
ප්රවාහන අමාත්ය නිමල් සිරිපාල ද සිල්වා මහතාගේ උපදෙස් පරිදි පත්කළ කමිටුවක් මගින් මෙම වාර්තාව සකස් කර ඇති අතර අලි ඇතුන් දුම්රියේ ගැටුණු ස්ථාන නිරීක්ෂණය කරමින් මෙම වාර්තාව සකස් කර ඇත.
වනෙජීවී දෙපාර්තමේන්තුවේ අලි ඇතුන් සංරක්ෂණය කිරීමේ අධ්යක්ෂ ආර්.සුමනසේන, දුම්රියේ අලි ඇතුන් ගැටීම වැළැක්වීමේ ව්යාපෘතියේ ඉංජිනේරු ඉරෝෂ් පෙරේරා, දුම්රිය දෙපාර්තමේන්තුවේ දිස්ත්රික් පරීක්ෂක චමින්ද පෙරේරා යන මහත්වරුන් ඇතුළු දාහතර දෙනෙකුගේ කණ්ඩායමක් විසින් දින හතරක් තිස්සේ මෙම නිරීක්ෂණ සිදුකර තිබේ.
ඒ අනුව මහව හන්දියේ සිට ත්රිකුණාමලය, මඩකලපුව, අනුරාධපුරය, තලෙයිමන්නාරම යන උතුරු නැගෙනහිර දුම්රිය මාර්ගවල සංචාරය කරමින් අලි ඇතුන්ගේ හැසිරීම පිළිබඳ දත්ත හා තොරතුරු එක්රැස් කර ඇත.
මීට අමතරව මෙම නිර්දේශ මත පදනම්ව විද්වත් කමිටුවක් විසින් ප්රධාන සැලැස්මක් සකස් කිරීමට නියමිත අතර එම වාර්තාව හා එය ක්රියාත්මක කිරීමට අවශ්ය මූල්ය ඇස්තමේන්තුව ලබන 25 වැනිදා ප්රවාහන ඇමැති නිමල් සිරිපාල ද සිල්වා මහතාට බාරදීමට නියමිත බව එම අමාත්යංශය සඳහන් කරයි.
ඒ අනුව ප්රවාහන ඇමැතිවරයා අදාළ වාර්තාවට කැබිනට් අනුමැතිය ලබාගෙන මෙම මාසය අවසාන වීමට පෙර එය ක්රියාවට නැගීමට කටයුතු කරන බව ද එම අමාත්යංශය වැඩිදුරටත් සඳහන් කරයි.
පාසල් සිසුන් දෙදෙනකු අතර ක්රිකට් පිත්තක් සම්බන්ධයෙන් ඇති වූ ආරවුලක් දුර දිග යෑමෙන් එක් සිසුවකුට ක්රිකට් පිත්තකින් පහරදී ඝාතනය කිරීම සම්බන්ධයෙන් ක
රහස් පොලිස් නිලධාරීන් ලෙස පෙනී සිටිමින් පුද්ගලයකුගෙන් කෝටි හතරක මුදලක් අල්ලස් වශයෙන් ඉල්ලා එයින් රුපියල් කෝටියක මුදලක් අල්ලස් වශයෙන් ලබාගත් බව කියන
කිසිඳු පක්ෂයකට ඡන්දය ප්රකාශ කරන ලෙස තමන් කිසි දිනක කිසිවකුගෙන් ඉල්ලා නොමැති බවත් එක්තරා දේශපාලන පක්ෂයකට ඡන්දය දෙන ලෙස තමන් ඉල්ලීමක් කළේයැයි පාර්ල
ලංකා පෙට්රල් (92) රුපියල් තුනකින් සහ ලංකා සුදු ඩීසල් රුපියල් තිහකින් අද මධ්යම රාත්රියේ සිට අඩු කර ඇත.
විපක්ෂයේ දේශපාලන පක්ෂයක නායකයකු ද මහියංගනය රිදීමාලියද්ද නගරයේ මත්පැන් අලෙවිසලක් විවෘත කිරීමට ආණ්ඩුවෙන් මත්පැන් බලපත්රයක් ලබාගෙන ඇතැයි ඉතාම විශ්ව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දුම්රිය අනතුරුවලින් අලි ඇතුන් බේරාගැනීමට ප්රවාහන අමාත්යංශයෙන් වැඩපිළිවෙළක්